హిట్లు, ఫ్లాపులతో సంబంధం లేకుండా వరుస సినిమాలు చేస్తున్నాడు సుధీర్ బాబు. ఈయన ప్రస్తుతం నటిస్తున్న చిత్రం శ్రీదేవి సోడా సెంటర్. కరుణ కుమార్ దర్శకత్వం వహిస్తున్న ఈ చిత్రాన్ని 70 ఎమ్ఎమ్ ఎంటర్టైన్మెంట్స్ పతాకంపై విజయ్ చిల్లా, శశిదేవిరెడ్డి నిర్మిస్తున్నారు.
ఈ రోజు సుధీర్ బాబు బర్త్డే సందర్భంగా.. ఈ చిత్రం ఫస్ట్ గ్లింప్స్ను తాజాగా చిత్ర యూనిట్ విడుదల చేసింది. ఈ గ్లింప్స్ చూస్తుంటే.. ఏదో డిఫరెంట్ కథతోనే సుధీర్ బాబు వస్తున్నట్టు అర్థం అవుతోంది.
ఈ చిత్రంలో సూరి బాబు అనే లైటింగ్ బాయ్ పాత్రలో సుధీర్ కనిపించనున్నారు. ఆ పాత్రకు సంబంధించిన ఎలివేషన్ చేసేలా గ్లింప్స్ ఉంది. అలాగే ఈ సినిమాలో పడవ పందెంకు సంబంధించిన సన్నివేశాలు కూడా ఉన్నాయని గ్లింప్స్ చూస్తే అర్థమవుతుంది. కాగా, ఈ చిత్రంలో ఆనంది హీరోయిన్గా నటిస్తుండగా, మణిశర్మ సంగీతం అందిస్తున్నారు.