సౌత్ ఇండస్ట్రీలో హీరోయిన్ గా రెండు దశాబ్దాల పాటు తన కెరీర్ ని ఇండస్ట్రీలో కొనసాగిస్తూ.. ఇప్పటికి కూడా స్టార్ హీరోయిన్ లకి పోటీగా నిలుస్తున్నటువంటి త్రిష గురించి ప్రత్యేకంగా చెప్పక్కర్లేదు. ఈ ముద్దుగుమ్మ తన అందంతో, నటన‌తో ఎంతోమంది ప్రేక్షకులని ఆకట్టుకుంది. ఇక ప్రస్తుతం ఈ ముద్దుగుమ్మ తమిళ్ స్టార్ హీరోలు అజిత్, కమల్ హాసన్ తో నటిస్తున్న సంగతి తెలిసిందే.
ఇక ఇప్పుడు ఏకంగా సల్మాన్ ఖాన్ తో నటించేందుకు సిద్ధమయ్యింది. తమిళ్ డైరెక్టర్ వినయ విష్ణువర్ధన్, సల్మాన్ ఖాన్ తో ” ది బుల్ ” అనే సినిమాని తెరకెక్కించనున్న సంగతి తెలిసిందే. ధర్మ ప్రొడక్షన్స్ బ్యానర్ పై కరణ్ జోహార్ నిర్మిస్తున్న ఈ మూవీని.. 1988 ఆపరేషన్ కాక్టస్ కాన్సెప్ట్ తో తెరకెక్కించనున్నారు.
ఇక ఇందులో ఫరూక్ పాత్రలో సల్మాన్ ఖాన్ నటిస్తుండగా.. అతని భార్యగా త్రిష నటిస్తున్నట్లు బాలీవుడ్ లో ఓ వార్త వైరల్ అవుతుంది. త్రిష పాత్రకి కథలో చాలా ప్రాముఖ్యత ఉందని.. ఇప్పటికే ఈ సినిమా అఫీషియల్ లాంచ్ కూడా అయిందని.. వచ్చే ఏడాది రెగ్యులర్ షూటింగ్ మొదలు పెట్టబోతున్నట్లు తెలుస్తుంది. ఇక సల్మాన్ కి భార్య కాబోతున్న త్రిషన అంటూ ట్రోల్స్ చేస్తున్నారు ఫ్యాన్స్.