బాలీవుడ్ స్టార్ హీరో అమెర్‌ఖాన్ నటించిన దంగల్ సినిమా చాలా కాలం పాటు ఇండియన్ బాక్స్ ఆఫీస్ దగ్గర తిరుగులేని రికార్డ్ క్రియేట్ చేసిన సంగతి తెలిసిందే. నితీష్‌తివారి డైరెక్షన్‌లో తెరకెక్కిన ఈ సినిమా ప్రపంచవ్యాప్తంగా ఏకంగా రూ.2000 కోట్లకు పైగా వసూళ్లు కొల్లగొట్టి పాన్ ఇండియన్ హైయెస్ట్ కలెక్షన్లు కొల్లగొట్టిన మొట్టమొదటి సినిమాగా నిలిచింది. ఆ తర్వాత అల్లు అర్జున్ హీరోగా వచ్చిన పుష్ప 2 ఇటీవల రికార్డ్‌ను బ్రేక్ చేస్తుందని చాలామంది భావించినా.. అది సాధ్యం కాలేదు. అయితే ఇటీవల వచ్చిన ఒక కొత్త సినిమా మాత్రం బాక్స్ ఆఫీస్ వద్ద విధ్వంసం సృష్టిస్తుంది. కేవలం తొమ్మిది రోజుల్లోనే ఏకంగా రూ.7000 కోట్లకు పైగా వసూలు కొల్లగొట్టింది.
ఆ సినిమా ఏంటో ఒకసారి చూద్దాం. ఆ సినిమా పేరే నీఝా 2. చైనీస్ బాక్స్ ఆఫీస్‌ను ఈ సినిమా షేక్‌చేసి పారేస్తోంది. 2025 జనవరి 29న రిలీజ్ అయిన ఈ సినిమా.. యానిమేటెడ్ ఫాంటసీ డ్రామాగా తెరకెక్కి సరికొత్త రికార్డులను క్రియేట్ చేస్తుంది. టీవీ9 హిందీ రిపోర్ట్ ప్రకారం నీఝా 2 సినిమా ఇప్పటికీ 580 మిలియన్ చైనీస్ యువన్ వసూలు కొల్లగొట్టింది. అంటే మన కరెన్సీలో దాదాపు రూ. 7వేల కోట్లని సమాచారం. చైనాలో లూనార్ న్యూ ఇయర్ సెలవల సందర్భంగా రిలీజ్ అయిన ఈ సినిమా.. గతంలో ఉన్న అన్ని రికార్డులను బద్దలు కొట్టడమే కాదు.. మొదటి రోజే ఈ సినిమా ఏకంగా 68 మిలియన్ డాలర్లు అంటే.. దాదాపు రూ.560 కోట్ల కలెక్షన్లు కల్లగొట్టింది.
తర్వాత అదే జోరు కొనసాగిస్తూ మొదటి వారంలో 666 మిలియన్ డాలర్లు అంటే రూ.5500 కోట్లు కలెక్ట్ చేసింది. ఈ లెక్కలు చూస్తే ఎవరికైనా మైండ్ లాక్ అవ్వాల్సిందే. హాలీవుడ్, చైనీస్ బ్లాక్ బస్టర్ సినిమాల కలెక్షన్లు కూడా మించిపోయింది. కేవలం 9 రోజుల్లో ఈ సినిమా చెన్నైలో గతంలో రిలీజై హైయెస్ట్ కలెక్షన్లు కలగొట్టి రికార్డు క్రియేట్ చేసింది. బ్యాటిల్ ఎట్ లేక్ చాంగ్జిన్ సినిమా రికార్డులను కూడా బ్రేక్ చేసి పడేసింది. ఇక ఈ సినిమా రానున్న రోజుల్లో దాదాపు రూ.12,000 కోట్లు దాటేస్తుందని ట్రేడ్ వర్గాలు చెబుతున్నాయి.