టాలీవుడ్ స్టార్ హీరో ఎన్టీఆర్ ప్రస్తుతం పాన్ ఇండియా లెవెల్ లో వరుస సినిమాలో నటిస్తూ బిజీగా ఉంటున్న సంగతి తెలిసిందే. కొరటాల శివ డైరెక్షన్‌లో దేవర, వార్ 2 సినిమా షూటింగ్లలో బిజీగా ఉన్న తారక్.. జులైలోగా ఈ సినిమాలను పూర్తి చేయనున్నారు. ఈ నేపథ్యంలో కేజీఎఫ్ ఫేమ్ ప్రశాంత్ నీల్ డైరెక్షన్‌లో ఎన్టీఆర్ మరో సినిమాకు గ్రీన్ సిగ్నల్ ఇచ్చిన సంగతి తెలిసిందే. ఈ సినిమా ఎప్పుడు ఎప్పుడు మొదలవుతుందో అనే ఆసక్తి ప్రేక్షకుల్లో మొదలైంది. దాదాపు ఏడాది క్రితం ఈ కాంబోలో సినిమా ఉంటుందంటూ అఫీషియల్‌గా అనౌన్స్ చేశారు.
ఇక ఈ సినిమాను ఏప్రిల్ లో సెట్స్ పైకి తీసుకురావాలని భావించారు మేకర్స్. అయితే ఎన్టీఆర్ దేవర, వార్2 సినిమాల్లో బిజీగా ఉండడంతో ఈ మూవీ సెట్స్ పైకి రావడం ఆలస్యమైంది. ఇక తాజాగా అందుతున్న సమాచారం ప్రకారం ఈ సినిమా షూటింగ్ ఆగస్ట్‌లో మొదలు పెట్టాలని మేకర్స్ భావిస్తున్నారట. కేజిఎఫ్, స‌లార్ త‌ర‌హాలోనే రెండు భాగాలుగా ఈ సినిమాను ప్లాన్ చేస్తున్నారని టాక్ వినిపిస్తుంది. ఇక ప్రస్తుతం ఎన్టీఆర్ దేవర షూటింగ్ తుది దాశ‌కు చేరుకుంది.
దసరా కానుకగా అక్టోబర్ 10న ఈ సినిమాను ప్రేక్షకుల ముందుకు తీసుకురానున్నారు మేకర్స్. గతంలో తారక్, కొరటాల కాంబోలో తెరకెక్కిన జనతా గ్యారేజ్ బ్లాక్ బస్టర్ సక్సెస్ అందుకోవడం.. దీనికి తోడు ఆర్‌ఆర్ఆర్ లాంటి పాన్ ఇండియా సినిమా తర్వాత తారక్ నుంచి ఒక్క సినిమా కూడా రాకపోవడంతో ఈ సినిమాపై ప్రేక్షకుల్లో ఆసక్తి నెలకొంది. ఎప్పుడెప్పుడు సినిమా రిలీజ్ అవుతుందా అంటూ ప్రేక్షకులంతా ఆసక్తిగా ఎదురు చూస్తున్నారు. ఈ సినిమాతో తారక్ మరోసారి రికార్డులు బ్రేక్ చేయడం ఖాయం అంటూ అభిమానులు ధీమా వ్యక్తం చేస్తున్నారు.