టాలీవుడ్ సినీ ఇండస్ట్రీలో రౌడీ హీరో విజయ్ దేవరకొండ గురించి ప్రత్యేకంగా చెప్పాల్సిన అవసరం లేదు. ప్రస్తుతం శ్రీ వెంకటేశ్వర క్రియేషన్స్ బ్యానర్ పై VD 13 షూటింగ్లో బిజీగా ఉన్నారు. ఇక ఈ సినిమాకు టాలీవుడ్ లో ఒక పేరు ఉన్న డైరెక్టర్ తో సినిమా చేస్తున్నట్లు తెలుస్తోంది. ఇక ఈ సినిమాని ప్రముఖ నిర్మాత దిల్ రాజు ప్రొడ్యూస్ చేస్తున్నారు. ఇటీవలే ఖుషి సినిమాతో మంచి విజయాన్ని అందుకున్న ఈయన ఇప్పుడు VD 13 సినిమా షూటింగ్లో బిజీగా ఉన్నారు. ఇకపోతే ఇంకా ఈ ప్రాజెక్టు షూటింగ్ దశలోనే ఉండగానే అశోకవనంలో అర్చన కళ్యాణం సినిమా డైరెక్టర్ విద్యాసాగర్ చింతాతో కలిసి మరో ప్రాజెక్టులో నటించడానికి విజయ్ దేవరకొండ గ్రీన్ సిగ్నల్ ఇచ్చారట.
ప్రస్తుతం ఈ వార్తలు సోషల్ మీడియాలో చక్కర్లు కొడుతుండగా ఈ సినిమాని కూడా దిల్ రాజునే నిర్మించబోతున్నారని సమాచారం. అంతేకాదు త్వరలోనే ఈ సినిమాకు సంబంధించిన అఫీషియల్ అనౌన్స్మెంటును కూడా ఇవ్వబోతున్నారు. ఇక డైరెక్టర్ విద్యాసాగర్ విషయానికి వస్తే.. 2017లో వెళ్ళిపోమాకే ఆ తర్వాత 2019లో ఫలక్ నామాదాస్, 2021లో అద్భుతం వంటి చిత్రాలకు సినిమా ఆటోగ్రాఫర్ గా పనిచేసి.. ఆ తర్వాత విశ్వక్ సేన్ హీరోగా వచ్చిన అశోకవనంలో అర్జున కళ్యాణం సినిమాతో దర్శకుడిగా తెలుగు ప్రేక్షకులకు పరిచయం అయ్యాడు.
గత ఏడాది ప్రేక్షకుల ముందుకు వచ్చిన ఈ సినిమా భారీ పాజిటివ్ రెస్పాన్స్ ను దక్కించుకుంది. మరొకవైపు విజయ్ దేవరకొండ దర్శకుడు పరుసురాం దర్శకత్వంలో ఫ్యామిలీ అండ్ లవ్ ఎంటర్టైనర్ చిత్రంలో నటిస్తున్నారు. ఈ సినిమాను సంక్రాంతి కానుకగా తీసుకొచ్చే ప్రయత్నం చేస్తున్నారు. అంతేకాదు గౌతం తిన్ననూరి డైరెక్షన్ లో కూడా ఒక సినిమా చేస్తున్నారు. ఆ సినిమాలో ఒక పోలీస్ ఆఫీసర్ పాత్రలో కనిపించబోతున్నట్లు సమాచారం.