ఐకాన్ స్టార్ అల్లు అర్జున్ నుంచి చివరిగా వచ్చిన చిత్రం `పుష్ప: ది రైజ్` ఎలాంటి విజయాన్ని అందుకుందో ప్రత్యేకంగా చెప్పక్కర్లేదు. పాన్ ఇండియా స్థాయిలో బ్లాక్ బస్టర్ హిట్ గా నిలిచిన ఈ చిత్రంలో బన్నీ డీగ్లామర్ లుక్ లో నటనా విశ్వరూపాన్ని చూపించారు. ఇప్పుడు ఈ సినిమాకు కొనసాగింపుగా పార్ట్ 2 `పుష్ప: ది రూల్` రాబోతోంది. సుకుమార్ తెరకెక్కిస్తున్న ఈ చిత్రంలో రష్మిక మందన్నా హీరోయిన్ గా నటిస్తోంది.
షూటింగ్ దశలో ఉన్న పుష్ప 2 వచ్చే ఏడాది విడుదల కానుందని అంటున్నారు. అయితే తాజాగా పుష్ప 2 నుంచి బన్నీ ఓ క్రేజీ డైలాగ్ ను లీక్ చేశారు. రీసెంట్ బ్లాక్ బస్టర్ `బేబీ` మూవీ టీమ్ ను అభినందించడానికి అల్లు అర్జున్ ప్రత్యేకంగా ఓ ఈవెంట్ ను ప్లాన్ చేసిన సంగతి తెలిసిందే. గురువారం సాయంత్రం ఈ ఈవెంట్ జరిగింది. ఈ ఈవెంట్ లో బేబీ సినిమాలో పనిచేసిన ప్రతి ఒక్కరిని ప్రత్యేకంగా బన్నీ అభినందించారు. ముఖ్యంగా హీరోయిన్ వైష్ణవి చైతన్య అద్భుతంగా నటించిందని.. ఆమెకు ఈ ఏడాది బెస్ట్ యాక్ట్రెస్ అవార్డు రావాల్సిందే అని బన్నీ తెలిపారు.
ఇక స్పీచ్ అయిపోయిన అనంతరం బన్నీ వెళ్లిపోవడానికి రెడీ అవుతుండగా.. ఫ్యాన్స్ అంతా పుష్ప 2 డైలాగ్ చెప్పమంటూ గోల గోల చేశారు. అందుకు బన్నీ స్పందిస్తూ.. `పుష్ప 2 డైలాగ్ కావాలా? ఇప్పుడు లీక్ చేయాలా.. అమ్మో ఇది చిరు లీక్స్ కంటే డేంజర్ గా ఉంది. నేను చెప్తా అనుకోలేదు. కానీ మీరు అడుగుతున్నారు కాబట్టి చెప్తున్నాను. ఈ సినిమా పేరు పుష్ప 2 : ది రూల్.. ఇక్కడ జరిగేది మొత్తం ఒక రూల్ ప్రకారం జరుగుతున్నాది, అదే పుష్ప గాడి రూల్` అంటూ బన్నీ డైలాగ్ లీక్ చేశారు. ఇందుకు సంబంధించిన వీడియో నెట్టింట వైరల్ గా మారడంతో.. బన్నీ లీక్ చేసిన డైలాగ్ అదుర్స్ అంటూ ఫ్యాన్స్ కామెంట్లు పెడుతున్నారు.
Samjh kuch nahi aaya par bhAAI ki aawaz sunkar aacha laga.
BhAAi full confident hain Pushpa 2 ko lekar aur kya chahiye https://t.co/KHGW5Aqvtb— K🅰️nh🅰️ (@OnlyAlluArjun08) July 20, 2023