యంగ్ టైగర్ ఎన్టీఆర్ ఫ్యామిలీకి ఎంత ప్రాధాన్యత ఇస్తారో ప్రత్యేకంగా చెప్పక్కర్లేదు. షూటింగ్స్ నుంచి గ్యాప్ దొరికిందంటే చాలు ఫ్యామిలీతో ఫుల్ గా ఎంజాయ్ చేస్తుంటారు. భార్య, పిల్లలతో వెకేషన్ కు వెళ్తుంటారు. లక్ష్మీ ప్రణతిని ఎన్టీఆర్ 2011లో వివాహం చేసుకున్నారు. ఈ దంపతులకు ఇద్దరు తనయులు.
అయితే ఎన్టీఆర్ కు ఆడపిల్లలంటే చాలా ఇష్టమట. ఇంట్లో ఆడపిల్ల ఉంటే బాగుంటుందని.. రెండోసారి అయినా తనకు అమ్మాయి పుట్టాలని కోరుకున్నారట. కానీ, ఆయన కోరిక తీరలేదు. రెండో సారి కూడా ఆయనకు అబ్బాయే జన్మించారు. అందుకే `ఆడపిల్లలు ఉన్న వాళ్లను చూస్తే నాకు ఆసూయ. అమ్మాయి పుట్టాలని ఎంతగానో కోరుకున్నా జరగలేదు.
రెండోసారి అబ్బాయే అయ్యేసరికి నిరాశకు గురయ్యా. ఇంట్లో ఆడపిల్ల ఉంటే ఆ కళే వేరు` అని రీసెంట్ గా ఓ ఇంటర్వ్యూలో చెప్పుకొచ్చారు. దీంతో ఈయన కామెంట్స్ కాస్త నెట్టింట వైరల్ గా మారాయి. కాగా, ఎన్టీఆర్ ప్రస్తుతం కొరటాల శివ దర్శకత్వంలో ఓ పాన్ ఇండియా ఫిల్మ్ చేస్తున్నాడు. `ఎన్టీఆర్ 30` వర్కింగ్ టైటిల్ తో ఇటీవలె ఈ చిత్రం ఘనంగా ప్రారంభం అయింది.