తన అభిమాని హీరో ఏది చేసినా పండగ చేసుకుంటారు ఫాన్స్. ఈ నేపథ్యంలో జూనియర్ ఎన్టీఆర్ అభిమానులకు ఓ శుభవార్త. రాజమౌళి దర్శకత్వంలో ఎన్టీఆర్ – రామ్ చరణ్ ప్రధాన పాత్రలుగా తెరకెక్కిన చిత్ర RRR. ఈ సినిమా ఎలాంటి ప్రభంజనాలు సృష్టించిందో వేరే చెప్పాల్సిన పనిలేదు. ముఖ్యంగా ఈ సినిమాలో కొన్ని సీన్స్ అభిమానులను కట్టిపడేశాయి. కొమరం భీముడి పాత్రలో ఎన్టీఆర్, అల్లూరి సీతారామరాజు పాత్రలో రామ్ చరణ్ రెచ్చిపోయిన సంగతి అందరికీ తెలిసినదే కదా. సినిమా రిలీజై కొన్ని నెలలు అవుతున్నా ఇప్పటికీ న్యూస్ లో ఉంటుంది ఈ సినిమా అంటే అదంతా జక్కన్న మహిమే అని వేరే చెప్పాల్సిన పనిలేదు.
అసలు విషయంలోకి వెళితే, ఈ సినిమాలో ఇంటర్ బ్యాంగ్ ఓ అద్భుతమని చెప్పుకోవాలి. మరి ముఖ్యంగా ఎన్టీఆర్ జంతువులతో పాటు తెల్లవాళ్ళమీద విరుచుకుపడే సీన్ న భూతొ న భవిష్యతి. ఈ సినిమా చూసినవారు అంతత్వరగా ఈ సీన్ మరువలేరు. తాజాగా హాలీవుడ్ మేకర్స్ కూడా దీని గురించి ప్రస్తావిస్తూ మాట్లాడటం మనకు తెలిసినదే. కాగా త్వరలో గణేష్ చతుర్థి రాబోతోంది కదా. గణేష్ విగ్రహాలను చెక్కే శిల్పులకు ఓ గమ్మత్తైన ఐడియా వచ్చింది. అదే జంతువులతో కిందికి దూకిన ఎన్టీఆర్ విశ్వస్వరూపం.
ఇపుడు ఆ సీన్ ని తలపించే గణేష్ విగ్రహాలు బయట దర్శనం ఇస్తున్నాయి. గణేష్ ఉత్సవం సందర్భంగా ఇరు తెలుగు రాష్ట్రాలలో ఈ విగ్రహాలను ప్రతిష్టించనున్నారు. తాజాగా దానికి సంబంధించినటువంటి ఫోటోలు సోషల్ మీడియాలో వైరల్ అవుతున్నాయి. వాటిని చూసిన నందమూరి అభిమానులు గణేష్ ఉత్సవ పండుగ ముందే చేసుకుంటున్నారు. మీరు కూడా వాటిని తిలకించి మీమీ అభిప్రాయాలను కామెంట్ల రూపంలో కాస్త తెలియజేయండి.
ఎన్టీఆర్ అభిమానులకు శుభవార్త.. గణేష్ చతుర్థికి రెడీ అవుతున్న కొమరం భీముడి విశ్వరూపం!
