బుల్లితెర బిగ్గెస్ట్ రియాలిటీ షో బిగ్ బాస్ సీజన్ 5లో నాలుగో వారం కొనసాగుతోంది. ఇప్పటికే సరయు, ఉమాదేవి, లహరిలు ఎలిమినేట్ కాగా.. మిగిలిన కంటెస్టెంట్లు హౌస్లో సత్తా చాటేందుకు తీవ్రంగా ప్రయత్నిస్తున్నారు. అయితే మొదటి వారం నుంచే రసవత్తరంగా సాగుతున్న ఈ షోను సామాన్యులే కాదు సెలబ్రెటీలు సైతం ఫాలో అవుతున్నారు.
ఈ క్రమంలోనే తమకు నచ్చిన కంటెస్టెంట్కు సపోర్ట్ చేస్తుంటారు. టాలీవుడ్ యంగ్ & టాలెంటెడ్ హీరో సందీప్ కిషన్ కూడా.. ఓ కంటెస్టెంట్కు తన సపోర్ట్ను తెలియజేశాడు. ఇంతకీ ఆ కంటెస్టెంట్ ఎవరో కాదు మానస్. అవును, తాజాగా మానస్కు మద్దతు తెలుపుతూ ఓ వీడియోను సోషల్ మీడియా ద్వారా షేర్ చేశాడు.
ఈ వీడియోలో `హలో అందరికీ , నేను మీ సందీప్ కిషన్ను. బిగ్బాస్ షోలో నాకు నచ్చిన, బాగా కావాల్సిన వ్యక్తి మానస్ నాగులపల్లి పాల్గొన్నాడు. ఎంతో మంచి మనసున్న అతడు మీ అందరికీ నచ్చుతాడనుకుంటున్నాను. మానస్ చాలామంది మనసులు గెలుచుకుని బయటకు వస్తాడని కోరుకుంటూ ఆల్ ద బెస్ట్, లవ్ యూ..` అంటూ సందీప్ చెప్పుకొచ్చాడు. దాంతో సందీప్ కిషన్ ఫ్యాన్స్ సైతం మానస్కు సపోర్ట్ చేస్తున్నారు.
https://www.instagram.com/reel/CUXPEn_J38R/?utm_source=ig_web_copy_link