బిగ్ బాస్ అంటే ఓ వైవిధ్యమైన వేదిక అనే చెప్పొచ్చు. బుల్లితెరపై బిగ్ బాస్ షో ఎంతో మందిని ఆకట్టుకుంది. బిగ్ బాస్ వస్తోందంటే చాలు రాత్రిళ్లు నిద్రమాని మరీ ఎపిసోడ్ చూసేవాళ్లు ఉన్నారు. తెలుగులో బిగ్ బాస్ ఈపాటికే నాలుగు సీజన్లను పూర్తి చేసుకుంది. ఇకపోతే ఐదో సీజన్ అతి త్వరలో ప్రారంభం కానుంది. ఇందులో ఛాన్స్ కోసం చాలా మంది సెలబ్రిటీలు ఎప్పటి నుంచో ట్రై చేస్తున్నారు.
ఇకపోతే కంటెస్టెంట్ల వేటలో టీమ్ మునిగిపోయింది. రోజుకో పేరు వినిపిస్తోంది. 5వ సీజన్ బిగ్ బాస్ లో షణ్ముక్ జశ్వంత్ కచ్చితంగా కనిపిస్తాడని అందరూ అనుకున్నారు. అయితే రెమ్యునరేషన్ విషయంలో షణ్ముఖ్ జస్వంత్ కు అవకాశం దక్కలేదు. యూట్యూబ్ లో సరికొత్త వెబ్ సీరిస్ తీసి అందర్నీ ఆకట్టుకున్న షణ్ముఖ్ జస్వంత్ ను స్టార్ మా అవకాశం ఇవ్వలేదని తెలుస్తోంది. ఏదేమైనా షణ్ముఖ్ జస్వంత్ కు ఇది చాలా మైనస్ అనే చెప్పాలి. తన ఒక్కడికే కోటీ రూపాయల వరకూ ఇవ్వడానికి బిగ్ బాస్ టీమ్ సిద్దంగా లేదు. అందుకే అతడికి బిగ్ బాస్ అవకాశం కల్పించలేదు.