మెగా ఫ్యామిలీ నుంచి ఇండ‌స్ట్రీలో అడుపెట్టిన వార‌సుల్లో వరుణ్ తేజ్ ఒక‌డు. ముకుంద సినిమాతో ఎంట్రీ ఇచ్చిన ఈ మెగా ప్రిన్స్‌.. ఫిదా, తొలిప్రేమ, ఎఫ్ 2, గద్దలకొండ గణేష్ వంటి భారీ హిట్ల‌ను ఖాతాలో వేసుకుని త‌న‌కంటూ స్పెష‌ల్ ఇమేజ్ క్రియేట్ చేసుకున్నారు.
ప్ర‌స్తుతం ఈయ‌న గ‌ని, ఎఫ్ 3 చిత్రాల్లో న‌టిస్తున్నాడు. ఇదిలా ఉంటే.. కరీంనగర్‌ జిల్లావాసి అయిన శేఖర్ వరుణ్ తేజ్‌కు వీరాభిమాని. అయితే ఈ మ‌ధ్య శేఖర్ దురదృష్టవశాత్తూ మృతి చెందారు. పెద్దదిక్కును కోల్పోవడంతో శేఖర్ కుటుంబం తీవ్ర ఆర్థిక ఇబ్బందుల‌ను ఎదుర్కొంటోంది.
ఈ విష‌యం తెలుసుకున్న వరుణ్ తేజ్.. తాజాగా శేఖర్ కుటుంబానికి త‌న వంతు సాయంగా రూ.2 ల‌క్ష‌ల చెక్‌కు అందించాడు. దాంతో శేఖర్ కుటుంబం వ‌రుణ్‌కు ధన్యవాదాలు తెలిపారు. ఇక ఈ విష‌యం సోష‌ల్ మీడియాలో వైర‌ల్ కావ‌డంతో.. వరుణ్ గొప్ప మ‌న‌సుకు నెటిజ‌న్లు ఫిదా అవుతున్నారు. ఈ నేప‌థ్యంలోనే ఆయ‌న ప్ర‌శంస‌లు కురిపిస్తున్నారు.