టాలీవుడ్ యంగ్ అండ్ టాలెంటెడ్ హీరో తేజ సజ్జా గురించి ప్రత్యేకంగా పరిచయాలు అవసరం లేదు. బాలనటుడుగా మంచి గుర్తింపు తెచ్చుకున్న తేజ.. జాంబీ రెడ్డి సినిమాతో హీరోగా ఎంట్రీ ఇచ్చాడు. ప్రశాంత్ వర్మ తెరకెక్కించిన ఈ చిత్రం బాక్సాఫీస్ వద్ద బ్లాక్ బస్టర్ హిట్ అయిన సంగతి తెలిసిందే.
ఇక తేజ రెండో చిత్రం ఇష్క్ విడుదలకు సిద్ధంగా ఉండగా.. మూడో చిత్రం మళ్లీ ప్రశాంత్ వర్మ దర్శకత్వంలోనే హనుమాన్ చిత్రం చేస్తున్నాడు. సైన్స్ ఫిక్షన్ నేపథ్యంలో ఈ సినిమా రూపొందనుంది. తెలుగులో సూపర్ హీరో కాన్సెప్ట్ తో తెరకెక్కుతోన్న ఈ చిత్రంలో తేజ డిఫరెంట్ రోల్ లో కనిపించనున్నారు.
ఇదిలా ఉంటే.. ఈ సినిమాకు తేజ రెమ్యునరేషన్ ఇప్పుడు ఇండస్ట్రీ వర్గాల్లో హాట్ టాపిక్గా మారింది. వినిపిస్తున్న తాజా సమాచారం ప్రకారం.. ఈ చిత్రానికి గానూ.. తేజ ఏకంగా కోటి రూపాయల రెమ్యునరేషన్ పుచ్చుకుంటున్నట్లు తెలుస్తోంది. మరి ఇది ఎంత వరకు నిజమో తెలియాల్సి ఉంది. కాగా, ప్రైమ్ షో ఎంటర్టైన్మెంట్ బ్యానర్ పై కె నిరంజన్ రెడ్డి ఈ చిత్రాన్ని నిర్మిస్తారు.