బ్రిటన్ ప్రధాని బోరిస్ జాన్సన్ మరోసారి ఇంటివాడు అయ్యాడు. శనివారం వెస్ట్ మినిస్టర్ కేథడ్రల్లో క్యారీ సైమండ్స్ను రహస్యంగా వివాహం చేసుకున్నట్లు బ్రిటన్ పత్రికలు తెలిపాయి. ఇది బోరిస్ జాన్సన్ కి మూడో వివాహం. 2020 ఫిబ్రవరి నెలలో ఎంగేజ్మెంట్ చేసుకున్నట్లు జాన్సన్, సైమండ్స్ తెలిపారు. బ్రిటన్ ప్రధానికి 56 ఏళ్ల వయస్సు ఇంకా క్యారీ సైమండ్స్కు 33 సంవత్సరాలు. వీళ్లిద్దరికీ ఏడాది వయసున్న కుమారుడు కూడా ఉన్నాడు. 2019 సంవత్సరంలో జాన్సన్ ప్రధానమంత్రిగా ఉన్నప్పటి నుండి ఇద్దరూ డౌనింగ్ స్ట్రీట్లో కలిసి ఉండేవారు.
బోరిస్ జాన్సన్ ప్రతిపక్షంలో ఉన్న టైములో ఆయన్ని కన్జర్వేటివ్ పార్టీ విధాన బృందం నుంచి ఒకసారి తొలగించారు. ఆయన గతంలో రెండు సార్లు వివాహం ఆడి విడాకులు తీసుకున్నారు. కానీ తనకి మొత్తం ఎంత మంది పిల్లలు ఉన్నారో చెప్పమంటే జాన్సన్ మాత్రం నిరాకరించారు. జాన్సన్ చివరి వివాహం మెరీనా వీలర్ అనే ఆమెతో జరిగింది. ఆమె ఒక న్యాయవాది. వీరిద్దరూ 2018 సెప్టెంబర్లో విడిపోయినట్లు ప్రకటించారు.