కరోనా కారణంగా వాయిదా పడిన ఐపీఎల్ 14వ సీజన్ ను తిరిగి ప్రారంభించాలని బీసీసీఐ కీలక నిర్ణయం తీసుకుంది. శుక్రవారం జరిగిన మీటింగ్ లో మిగిలిన సీజన్ మొత్తాన్ని యూఏఈలో నిర్వహించాలని నిర్ణయించింది. గత సీజన్ మ్యాచ్ లను నిర్వహించిన స్టేడియంలలోనే ఈ ఐపీఎల్ సీజన్ లో మిగిలిన 31 మ్యాచ్ లు జరగనున్నాయి.
మిగతా టోర్నీని సెప్టెంబర్ 15 నుంచి అక్టోబర్ 15 మధ్య నిర్వహించే అవకాశం ఉంది. ఆటగాళ్లు, సిబ్బంది ఇలా అందరినీ బయోబబుల్ వాతావరణంలో ఉంచి మ్యాచ్ లను నిర్వహిస్తారు. ఈ విషయాన్ని బీసీసీఐ వైస్ ప్రెసిడెంట్ రాజీవ్ శుక్లా వెల్లడించారు. మ్యాచ్ లన్నీ దుబాయ్, అబుదాబీ, షార్జా స్టేడియంలలోనే జరగనున్నాయి. త్వరలోనే మ్యాచ్ ల షెడ్యూల్ ను విడుదల చేయనున్నారు. ఇప్పటివరకు ఐపీఎల్ టోర్నీని యూఏఈ లో రెండు సార్లు నిర్వహించారు. అక్కడ ఐపీఎల్ ను నిర్వహించడం ఇది మూడో సారి. యూఏఈలో జరిగే ఈ మిగతా మ్యాచుల్లో ఆస్ట్రేలియా, ఇంగ్లాండ్ ఆటగాళ్లు ఆడే అవకాశాలు కనిపించడం లేదు.
NEWS ? BCCI to conduct remaining matches of VIVO IPL in UAE.
More details here – https://t.co/HNaT0TVpz1 #VIVOIPL pic.twitter.com/nua3e01RJt
— BCCI (@BCCI) May 29, 2021