ప్రస్తుతం `ఆర్ఆర్ఆర్` సినిమా చేస్తున్న యంగ్ టైగర్ ఎన్టీఆర్ తన 30వ సినిమాను కొరటాల శివతో చేయనున్న సంగతి తెలిసిందే. ఇప్పటికే దీనిపై అధికారిక ప్రకటన రాగా.. ఈ చిత్రం జూన్లో సెట్స్ మీదకు వెళ్లనుంది. అలాగే వచ్చే ఏడాది ఏప్రిల్ 29న విడుదల కానున్న ఈ చిత్రాన్ని నందమూరి కళ్యాణ్రామ్ సమర్పణలో యువసుధ ఆర్ట్స్, ఎన్టీఆర్ ఆర్ట్స్ బ్యానర్లపై భారీ బడ్జెట్తో పాన్ ఇండియా చిత్రంగా నిర్మించనున్నారు.
అయితే ఈ ప్రాజెక్ట్ ప్రకటించిన వెంటనే స్టైలిష్ స్టార్ అల్లు అర్జున్ అభిమానులు ఎంతో నిరాశ చెందారు. ఎందుకంటే, ఇప్పటికే అల్లు అర్జున్, కొరటాల శివ కాంబోలో ఓ చిత్రం తెరకెక్కనుందని అధికారిక ప్రకటన వచ్చింది. ప్రస్తుతం పుష్ప చేస్తున్న బన్నీ.. నెక్ట్స్ కొరటాలతోనే చేస్తాడని అందరూ ఫిక్స్ అయ్యారు.
కానీ, అనూహ్యంగా ఎన్టీఆర్తో సినిమాను ప్రకటించాడు కొరటాల. దీంతో బన్నీ సినిమా ఎప్పుడు ఉంటుందన్న ప్రశ్న అందరిలోనూ మొదలైంది. అయితే తాజా సమాచారం ప్రకారం..కొరటాల, బన్నీ కాంబో చిత్రం ఏప్రిల్ 2022 తర్వాత పట్టాలెక్కనున్నట్లు తెలుస్తోంది. ఈలోపు బన్నీ ఏ డైరెక్టర్తో చేస్తాడు అన్నది తెలియాల్సి ఉంది.