మున్నాభాయ్ సంజయ్దత్ జైలు జీవితం ముగిశాక పూర్తిస్థాయిలో సినిమాలపై ఫోకస్ పెడుతున్నాడు. జైలు నుంచి విడుదలైన తర్వాత కొన్నాళ్ళు కుటుంబానికి కేటాయించిన సంజయ్దత్, ఇక నుంచి వరుస సినిమాలతో బిజీ అవుతాడట. ‘మున్నాభాయ్’ సిరీస్లో మూడో సినిమా త్వరలో పట్టాలెక్కనుంది.
ఈ సినిమా కాకుండా ఇంకో మూడు సినిమాలకు సంజయ్దత్ సైన్ చేశాడని సమాచారమ్. ‘మున్నాభాయ్’ సిరీస్ తెలుగులోకి రీమేక్ అయ్యింది చిరంజీవి హీరోగా. తొలి సినిమా ‘శంకర్దాదా ఎంబీబీఎస్’ పెద్ద విజయం సాధించగా, రెండోది ‘శంకర్దాదా జిందాబాద్’ అంచనాల్ని అందుకోలేకపోయింది. అయినప్పటికీ ఈ సినిమా కూడా ఒక సంచలనమే. అయితే చిరంజీవిని మాస్ ప్రేక్షకులు గాంధీగిరిలో చూడలేకపోయారంతే. అక్కడ మున్నాభాయ్ మూడో సినిమా పట్టాలెక్కితే, వెంటనే ఆ సినిమా రైట్స్ని కొనుగోలు చేసేందుకు చిరంజీవి తనయుడు రామ్చరణ్ సిద్ధంగా ఉన్నాడని తెలియవస్తోంది.
ప్రస్తుతం చిరంజీవి సెకండ్ ఇన్నింగ్స్లో వస్తోన్న ‘కత్తిలాంటోడు'(వర్కింగ్ టైటిల్) సినిమాతో బిజీగా ఉన్నాడు. ఈ సినిమా తరువాత పూరీ డైరెక్షన్లో సినిమా చేయాల్సి ఉంది చిరంజీవి. ఈ రెండు సినిమాలు పూర్తయ్యేసరికి అక్కడ ‘మున్నాభాయ్ సిరీస్’ లైన్లోకి వచ్చేయడం గ్యారంటీ. అంటే త్వరలోనే చిరంజీవి నుండి మరో ‘శంకర్దాదా సిరీస్ రానుందన్న మాట.