టాలీవుడ్ లో అడుగు పెట్టి న‌టించింది అతి తక్కువ సినిమాలైనా.. తెలుగు రాష్ట్రాల్లో కుర్రాళ‌ను మాయ చేసింది ఈ చిన్నది. మొదటి సినిమాతోనే ప్రేక్షకులను కట్టిపడేసిన ఈ అమ్మడు.. నటనతో పాటు అందంతోను ప్రేక్షకులను మెప్పించింది. తొలి సినిమాతోనే సెంటర్ ఆఫ్ అట్రాక్షన్ గా మారింది. అందమంతా అమ్మాయిగా పోగేస్తే ఇలా ఉంటుందా అన్నట్లుగా మెరిసే ఈ చిన్నది.. కలువ కళ్ళతో చూడగానే కట్టిపడేసే చందమామ లాంటి ముఖంతో మెరిసిపోతుంది. అందం కూడా అసూయపడేంత వయ్యారంగా అందాలు ఆరబోసే ఈ అమ్మడు ఎవరో గుర్తుపట్టగలరా..?
ఈ పై ఫోటోలో చిలిపి నవ్వు చిందిస్తున బూరి బుగ్గల బుజ్జాయి.. కన్నడ సోయగం. చివరిగా అక్కినేని అందగాడు నాగార్జునతో కలిసి ఓ సినిమాలో అదరగొట్టింది. ఈ సినిమా ప్రేక్షకులను ఆకట్టుకుంది. సినిమాకు పాజిటివ్ టాక్ తో పాటు అదరగొట్టే రెస్పాన్స్ వచ్చింది. కాని క‌లక్షన్ల పరంగా లాభాలు రాబ‌ట్ట‌లేక‌పోయింది. అయితే ఈ ముద్దుగుమ్మకు మాత్రం మూవీ మరింత ప్లస్ అయింది. ప్రస్తుతం పలు సినిమాల్లో నటిస్తూ బిజీగా గడుపుతుంది. ఇంతకీ ఈ అమ్మడు ఎవరో ఇప్పటికైనా గుర్తుపట్టారా.. ఎస్ ఆమె కన్నడ సోయగం ఆశిక రంగనాథ్. ప్రస్తుతం టాలీవుడ్ లో చిరంజీవి విశ్వంభ‌ర లో ఓకీల‌క పాత్రలో నటిస్తుంది.
మొదట అమీగోస్‌ సినిమాతో ఇండస్ట్రీకి పరిచయమైంది. ఇక అమీగోస్‌ సినిమాతో ఆశికకు మంచి ఇమేజ్ క్రియేట్ అయింది. అయితే ఈ క్రమంలో ఈమెకు వరుస ఆఫర్లు క్యూ కట్టిన తన పాత్రకు ఇంపార్టెన్స్ ఉందనిపిస్తేనే నటించే ఈ అమ్మడు ఎన్నో సినిమాలను రిజెక్ట్ చేసిందని తెలుస్తుంది. అయితే చాలా గ్యాప్ తర్వాత మరోసారి నాగార్జున నా స్వామి రంగా సినిమాలో నటించి హిట్ తన ఖాతాలో బేసుకుంది. ఇక తాజాగా విశ్వంభ‌రతో ప్రేక్షకులు ముందుకు రానుంది. ఈ సినిమాతో పాటు ఆషిక.. కన్నడలోను మరో రెండు సినిమాల్లో బిజీగా గడుపుతుంది. వీటితో పాట టాలీవుడ్ లో కొన్ని ఆఫర్స్ క్యూ క‌డుతున్నాయని సమాచారం.