నందమూరి నట‌సింహం బాలకృష్ణ తన కెరీర్‌లో ఎప్పుడూ లేనంత ఫుల్ జోష్ మీద దూసుకుపోతున్నారు. అఖండ, వీరసింహారెడ్డి, భగవంత్ కేసరి సినిమాలతో వ‌రుస‌గా హ్య‌ట్రిక్ హిట్లను అందుకున్న బాలయ్య.. ప్రస్తుతం బాబి కొల్లి డైరెక్షన్‌లో తన 109వ సినిమాలో నటిస్తున్నారు. ఈ సినిమా అవుట్ అండ్ అవుట్ మాస్ ఓరియెంటెడ్ మూవీగా తెరకెక్కనుంది. ఈ సినిమాపై ప్రేక్షకుల్లో భారీ అంచనాలు నెల‌కొన్నాయి.
మరోవైపు బాలయ్య సినిమా నటుడుగానే కాకుండా.. అన్స్టాపబుల్ షో తో హోస్ట్ గాను బ్లాక్ బస్టర్ సక్సెస్ అందుకున్నారు. ఇప్పటికే ఈ షో మూడు సీజన్లను విజయవంతంగా కంప్లీట్ చేసుకుంది. ఈ క్రమంలో బాల‌య్య‌కు మార్కెట్‌ కూడా రెట్టింపు అయ్యింద‌న‌టంలో సందేహం లేదు. ఇక ఈ మూడు సీజన్ల త‌ర్వాత భగవంత్ కేసరి, యానిమల్ సినిమాల టీంల కోసం ఈ మూడు సీజన్ల తరహ‌లో స్పెషల్ ఎపిసోడ్‌ల‌ను ఏర్పాటు చేశారు. అవి కూడా అన్ స్టాపబుల్ మూడు సీజన్ల లానే బ్లాక్ బస్టర్ స‌క్స‌స్‌ను సంపాదించుకున్నాయి.
ఇక తాజాగా సీజన్ 4 కు రంగం సిద్ధమైందంటూ అఫీషియల్ అనౌన్స్మెంట్ వచ్చింది. ఉగాది సందర్భంగా ఈ ప్రోగ్రాం త్వరలో ప్రచారం చేయనున్నట్లు ఆహా ఓటీటీ వివరించింది. బాలయ్య సినిమాల కోసం ఏ రేంజ్ లో అయితే ఫాన్స్ ఎదురుచూస్తున్నారో అదే రేంజ్ లో ఆయన అన్స్టాపబుల్ సీజన్ల కోసం కూడా అభిమానులు ఎదురుచూస్తున్నారు. ఈ క్రమంలో సీజన్ 4కు రంగం సిద్ధమైందంటూ వార్తలు వినిపించడంతో బాలయ్య ఫ్యాన్స్ పండగ చేసుకుంటున్నారు.