కేజిఎఫ్ సిరీస్‌లతో భారీ పాపులారిటీ దక్కించుకున్నాడు ప్రశాంత్ నీల్. ప్రస్తుతం సౌత్‌ స్టార్‌ డైరెక్టర్గా దూసుకుపోతున్న ప్రశాంత్ నిల్.. కన్నడ భాష నుంచి వచ్చి ప్రపంచ వ్యాప్తంగా రూ.1700 కోట్ల కలెక్షన్లను రాబట్టిన సినిమా కేజిఎఫ్ చాప్టర్ 2 తో రికార్డును సృష్టించాడు. ఈ మూవీతో ప్రశాంత్, హీరో యష్ క్రేజ్ అమాంతం పెరిగిపోయింది. ఇకపోతే ప్రశాంత్ నీల్ గతేడాది చివరిలో.. పాన్ ఇండియా స్టార్‌ ప్రభాస్ హీరోగా సలార్ సినిమాను తెరకెక్కించిన సంగతి తెలిసిందే. ఈ సినిమా సీక్వెల్‌ను కూడా ప్రశాంత్ నీల్ రూపొందించనున్నట్లు అఫీషియల్ అనౌన్స్మెంట్ చేశారు.
ఇక గతేడాది చివర్లో రిలీజ్ అయిన సలార్ పార్ట్ 1 బ్లాక్ బ‌స్టర్ సక్సెస్ సాధించి రూ.700 కోట్లకు పైగా గ్రాస్ వ‌సుళ‌ను కల్లగొట్టింది. పార్ట్ 2 తో రూ.1000 కోట్లు కలెక్షన్లను రాబట్టడం ఖాయమని ప్రభాస్ ఫ్యాన్స్ తమ అభిప్రాయాన్ని వ్యక్తం చేస్తున్నారు. ఇక దీని తర్వాత ప్రశాంత్ నీల్, జూనియర్ ఎన్టీఆర్ కాంబోలో సినిమా రానున్న సంగతి తెలిసిందే. వచ్చే ఏడాది ఈ సినిమా సెట్స్ పైకి రానుందట. ఈ నేపథ్యంలో ఈ సినిమాకు సంబంధించిన ఇంట్రెస్టింగ్ న్యూస్ వైరల్ గా మారింది. కేజిఎఫ్ మాదిరిగానే హై వోల్టేజ్ పవర్ యాక్షన్ కథతో ఈ సినిమా రూపొందుతుందట.
ఇండియన్ మైథాలజీలో క్యారెక్టర్స్ ను స్ఫూర్తిగా తీసుకొని ప్రశాంత్ నీల్ ఈ సినిమాను రూపొందిస్తున్నట్లు తెలుస్తోంది. అలాగే ఈ సినిమా కూడా రెండు భాగాలుగా భారీ బడ్జెట్ తో రూపొందుతుందట. మైత్రి మూవీ మేకర్స్ ఈ సినిమాను నిర్మించనున్నారు. కచ్చితంగా తారక్.. కెరీర్‌లో గుర్తుండిపోయే సినిమాగా ప్రశాంత్ నీల్ ఈ కథను రూపొందిస్తున్నాడని తెలుస్తోంది. ఇక ప్రస్తుతం ఎన్టీఆర్, కొరటాల శివ డైరెక్షన్లో దేవర సినిమా నటిస్తున్న సంగతి తెలిసిందే. ఈ సినిమా తుది దశకు చేరుకుంది. దీని తర్వాత హిందీలో వార్‌2 సినిమా షూటింగ్‌లో జాయిన్ కానున్నాడు తారక్. ఇందులో నెగటివ్ షేడ్స్‌లో నటించబోతున్నాడట. దీని తర్వాత ప్రశాంత్ నీల్ మూవీ సెట్స్‌పైకి వచ్చే అవకాశం ఉన్నట్లు సమాచారం.