యంగ్ టైగర్ ఎన్టీఆర్ జాన్వి కపూర్ హీరో హీరోయిన్లుగా నటిస్తున్న మూవీ దేవర. కొరటాల శివ ద‌ర్శ‌క‌త్వంలో తెరకెక్కుతున్న ఈ సినిమా రెండు పార్ట్‌లుగా ప్రేక్షకులు ముందుకు రానుంది. ఇక పార్ట్ 1 ఏప్రిల్ 5న రిలీజ్ కాబోతుంది. అయితే ఈ సినిమా కోసం జాన్వీ కపూర్ తక్కువ డేట్స్ కేటాయించిందని.. ఈ సినిమాలో జాన్వి కపూర్ చాలా తక్కువ సమయంలో మాత్రమే కనిపిస్తుందని జాన్వి కపూర్ పాత్ర కేవలం పాటలకే పరిమితం అంటూ సోషల్ మీడియాలో వార్తలు వైర‌ల్ అవుతున్నాయి. అయితే ఆ వార్తలపై తాజాగా మేకర్స్ క్లారిటీ ఇచ్చారు. ఈ వార్తల్లో ఏమాత్రం నిజం లేదని.. దేవర సినిమాలో జాన్వీ కపూర్ పాత్రకు ఎక్కువగానే ప్రాధాన్యత ఉందని తెలుస్తుంది.
జాన్వీ కపూర్ కూడా ఓ సందర్భంలో నా కెరీర్ లో మొదటి సినిమా దేవరనే అన్నట్లు అనిపిస్తుంది అంటూ కామెంట్లు చేసింది. బాలీవుడ్ నటులు కూడా దేవరలో నటించడంతో ఆ సినిమాపై అంచనాలు మరింతగా పెరుగుతున్నాయి. మరోవైపు ఈ సినిమా డిజిటల్ రైట్స్ భారీ రేట్ల‌కు అమ్ముడుపోయినట్లు తెలుస్తుంది. ఈ సినిమా తెలుగు రాష్ట్రాల హక్కులకు కూడా గట్టిగానే పోటీ నడుస్తుందట. మైత్రి మూవీ మేకర్స్, నిర్మాతలు సినిమా హక్కుల కోసం ప్రయత్నిస్తున్నారని సమాచారం.
దేవర సినిమాకు పోటీగా కొన్ని తమిళ సినిమాలు రిలీజ్ అవుతున్న నేపథ్యంలో తెలుగు రాష్ట్రాల నుంచి దేవర సినిమాకు పోటీగా ఏ సినిమా అయినా రిలీజ్ అవుతుందో లేదో వేచి చూడాలి. అయితే దేవర రిలీజ్ డేట్‌ను ఏడాది క్రితం నుంచి మేకర్స్ రిలీజ్ చేయడంతో ఈ సినిమా 99 శాతం అదే డేట్ న రిలీజ్ అవుతుందని అందరూ అభిప్రాయపడుతున్నారు. అయితే చివరకు ఏం జరుగుతుందో అనేది వేచి చూడాలి. ఈ సినిమా కోసం కొరటాల చాలా కష్టపడుతున్నాడట. కొరటాల చివరిగా తెర‌కెక్కించిన ఆచార్య ప్లాప్ కావడంతో.. ఈ సినిమాపై స్పెషల్ కేర్ తీసుకుంటున్నట్లు తెలుస్తోంది.