టాలీవుడ్ స్టార్ హీరో ప్రభాస్ బాహుబలి సినిమా తర్వాత వరుసగా పాన్ ఇండియా సినిమాలు నటిస్తూ దూసుకుపోతున్న సంగతి తెలిసిందే ఈ సినిమా తర్వాత ప్రభాస్ యాక్షన్ మోడ్ లోకి మారిపోయాడు. ఇక తాజాగా ప్రభాస్ ప్రస్తుతం మారుతి డైరెక్షన్లో రాజా సాబ్ సినిమాలో నటిస్తున్న సంగతి తెలిసిందే. ఈ సినిమాలో ప్రభాస్ పాత్ర ఎప్పుడులా యాక్షన్ మూడ్‌లో కాకుండా.. కాస్త డిఫరెంట్‌గా కనిపించబోతుందని తెలుస్తుంది. ఈ సినిమాలో ప్రభాస్ కామెడీ టైమింగ్ బాగుంటుందని.. ఇందులో ప్రభాస్ ఎప్పుడు కనిపించని విధంగా చాలా డిఫరెంట్ పాత్రలో కనిపించబోతున్నాడని సమాచారం.
ఇక ఈ సినిమా సస్పెన్స్ థ్రిల్లర్గా రాబోతుందట. ఇలాంటి నేపథ్యంలో ఈ సినిమాను ప్రేక్షకులు ఎంతవరకు ఆదరిస్తారు అనేది వేచి చూడాలి. ఈ సినిమా విషయంలో మారుతీ కానీ.. ప్రభాస్ కానీ.. చాలా క్లారిటీగా ఉన్నారు. ఈ సినిమాతో ఎలాగైనా సూపర్ సక్సెస్ కొడితేనే మారుతికి మంచి గుర్తింపు వస్తుంది. లేకపోతే ఆయన కెరీర్ డైలమాలో పడే ఛాన్సెస్ ఉన్నాయి. ఎందుకంటే ఇంతకుముందు గోపీచంద్ తో తెర‌కెక్కించిన మూవి పక్కా కమర్షియల్ గా ఫ్లాప్ అయింది.
ఈ సినిమా తర్వాత ప్రభాస్‌తో సినిమా చేసే అవకాశం వచ్చింది. ఇదిలా ఉంటే సినిమాలు మొదటి అల్లు అర్జున్‌తో చేయాలని మారుతి భావించాడట. వాళ్ల కాంబోలో అంతకుముందు ఒక సినిమా రావాల్సి ఉంది. కానీ అది ఏవో కారణాలతో ఆగిపోయింది. ఇక తర్వాత ఆ సినిమా చేయాలి అనుకున్నాడు.. కానీ అప్పుడు కూడా అల్లు అర్జున్.. కొరటాల శివతో సినిమాకి కమిట్ అవ్వడంతో ఈ సినిమా చేయలేకపోయాడు. దీంతో ఈ స్టోరీ ప్రభాస్ దగ్గరకు వెళ్ళింది. ఈ సినిమాతో మారుతి ప్రేక్షకులను ఎంతవరకు మెప్పిస్తాడో చూడాలి.