సినీ ఇండస్ట్రీలో ఎక్కడ చూసినా వైష్ణవి చైతన్య పేరే మారుమోగుతుంది. ఇన్స్టా రీల్స్, టిక్ టాక్ వీడియోలతో పాపులారిటీ సంపాదించుకుంది వైష్ణవి. ముఖ్యంగా అల్లు అర్జున్ హీరోగా నటించిన అల వైకుంఠపురంలో బన్నీకి చెల్లిగా నటించి అందరిని మెప్పించింది.
ఈ మధ్యకాలంలో విడుదలైన బేబీ సినిమాతో భారీ విజయాన్ని అందుకుంది. బేబీతో వైష్ణవి క్రేజ్ ఓ రేంజ్కి వెళ్ళింది. తాజాగా వైష్ణవి చైతన్య అభిమానులతో కాసేపు ముచ్చటించింది. ‘వాట్సాప్ బేబీ’ పేరుతో వైష్ణవి వీడియోను షేర్ చేసింది. ఈ వీడియోలో నెటిజెన్లు అడిగే ప్రశ్నలకు సమాధానమిచ్చింది.
పెళ్లి గురించి ఓ నెటిజన్ ఆసక్తికర ప్రశ్న అడిగాడు. దానికి సమాధానం చెప్తూ.. మన జీవితంలోకి వచ్చే వారు నువ్వు ఇలా చేయాలి.. అలా చేయకూడదు అనే కండిషన్లు పెట్టకూడదంటూ వైష్ణవి చెప్పుకొచ్చింది. ఆమె చేసిన వ్యాఖ్యలు సోషల్ మీడియాలో వైరల్గా మారాయి.