ఆర్ఆర్ఆర్ తర్వాత యంగ్ టైగర్ ఎన్టీఆర్ కొరటాల శివ డైరెక్షన్ లో సినిమా చేస్తున్న సంగతి తెలిసిందే.. తారక్ కెరీర్ లో 30వ సినిమాగా మాస్ ప్రాజెక్ట్ చేయబోతున్నాడు.. అయితే ఈ సినిమా ఎప్పుడెప్పుడు సెట్స్ పైకి వెళ్తుందో అని అభిమానులు ఎదురుచూస్తున్నారు. సినిమా నుంచి ఎలాంటి అప్ డేట్ లేకపోవడంతో ఎన్టీఆర్ అభిమానులు కొంచెం నిరుత్సాహానికి గురయ్యారు. తాజాగా ఈ సినిమా నుంచి ఓ ఇంట్రెస్టింగ్ అప్ డేట్ వచ్చినట్లు తెలుస్తోంది. ఎన్టీఆర్ 30 ఇంటర్వెల్ సీక్వెన్స్ భారీ యాక్షన్ విజువల్స్ తో పూర్తి సముద్రం నేపథ్యంలో సాగుతుందని సమాచారం.
ఇప్పటికే ఈ మూవీకి సంబంధించిన మోషన్ పోస్టర్ వచ్చేసింది. ఈ పోస్టర్ లో భారీ ఉరుములు, మెరుపులతో కూడిన వర్షం, సముద్రంలో ఎగిసి పడుతున్న అలలు, అందులో ప్రయాణిస్తున్న పడవలతో వీడియో అభిమానులకు పూనకాలు తెప్పించేలా ఉంది. ఈ యాక్షన్ సీక్వెన్స్ తెలుగు తెరకు కొత్త అనుభూతిని ఇస్తోంది.. ఈ సీక్వెన్స్ లో ఎన్టీఆర్ లుక్ అదిరిపోతుందట.. ఈ పాత్ర కోసం ఎన్టీఆర్ 8 నుంచి 9 కిలోల బరువు తగ్గాడని సమాచారం.. ఈ సినిమాలో డిఫరెంట్ మేకోవర్ తో సరికొత్తగా కనిపించనున్నాడు తారక్.. పాన్ ఇండియాగా రాబోతున్న ఈ సినిమా కోసం డైరెక్టర్ కొరటాల శివ బాగా కసరత్తులు చేస్తున్నాడు.. మొత్తంగా ఈ సినిమాను పవర్ ఫుల్ యాక్షన్ నేపథ్యంలో తీస్తున్నట్లు తెలుస్తోంది. మరోవైపు ఈ సినిమాలో ఎన్టీఆర్ సరసన నటిస్తున్న హీరోయిన్ గురించి ఇంకా ఎలాంటి క్లారిటీ రాలేదు. ఈ సినిమాకు తమిళ సంగీత దర్శకుడు అనిరుధ్ రవిచందర్ సంగీతం అందించనున్నారు. ఎన్టీఆర్ ఆర్ట్స్, యువసుధ ఆర్ట్స్ ఈ సినిమాను సంయుక్తంగా నిర్మిస్తున్నాయి. ఇక ‘జనతా గ్యారేజ్’ తర్వాత ఎన్టీఆర్ – కొరటాల శివ కాంబినేషన్ లో రాబోతున్న సినిమా కావడంతో అభిమానుల్లో భారీ అంచనాలు నెలకొన్నాయి.