క్యాస్టింగ్ కౌచ్.. సినీ పరిశ్రమలో ఇటీవల కాలంలో ప్రధానంగా వినిస్తున్న పేరు. అవకాశాల కోసం హీరోయిన్లను పడకగదికి పిలిపించుకునే ప్రక్రియనే క్యాస్టింగ్ కౌచ్. బాలీవుడ్, టాలీవుడ్, కోలీవుడ్ ఇలా అన్ని ఇండస్ట్రీల్లోనూ ఉన్న ఈ చీకటి కోణంపై ఎందరో నటీమణులు ఓపెన్గానే కామెంట్స్ చేశారు. సినీ పరిశ్రమలో తమ ఎదురైన చేదు అనుభవాలను బట్టబయలు చేశారు.
టాలీవుడ్లోనూ ఎందరో తారల ఇండస్ట్రీలో పడుకోకపోతే అవకాశాలు రావని నేరుగానే ఓపెన్ అవుతున్నారు. ఈ విషయంలో సీనియర్ స్టార్ హీరోయిన్ రమ్యకృష్ణ సైతం బోల్డ్ కామెంట్స్ చేసింది. గతంలో ఓ ఇంటర్వ్యూలో పాల్గొన్న రమ్యకృష్ణ క్యాస్టింగ్ కౌచ్ గురించి మాట్లాడుతూ.. `ఇండస్ట్రీలోకి అడుగు పెట్టిన ఓ నటి స్టార్ గా ఎదగాలంటే తప్పకుండా అడ్జస్ట్మెంట్ అవుతూ దర్శకనిర్మాతలకు లొంగి పోవాల్సిందే.
వాళ్లు రమ్మన్న గదులలోకి వెళ్లాల్సిందే, అలా వెళ్ళినప్పుడు ఇండస్ట్రీలో అవకాశాలు వస్తాయి, అప్పుడే హీరోయిన్లు కెరీర్లో ముందుకు వెళతారు` అంటూ కుండబద్దలు కొట్టేసింది. దీంతో అప్పట్లో రమ్యకృష్ణ కామెంట్స్ సోషల్ మీడియా తెగ వైరల్ అయ్యాయి. అలాగే రమ్యకృష్ణ వ్యాఖ్యలు ఎందరినో షాక్కి గురి చేశాయి.
కాగా, ఒకప్పుడు స్టార్ హీరోయిన్ గా ఓ వెలుగు వెలుగిన రమ్యకృష్ణ.. ప్రస్తుతం క్యారెక్టర్ ఆర్టిస్ట్గా దూసుకుపోతోంది. ముఖ్యంగా బాహుబలి సినిమాతో రమ్యకృష్ణ క్రేజ్ అమాంతం పెరిగింది. దీంతో వరసగా స్టార్ హీరోల సినిమాల్లో ముఖ్య పాత్రలను పోషిస్తూ రమ్యకృష్ణ సత్తా చాటుతోంది.