సీనియ‌ర్ హీరో సుమంత్ తాజా చిత్ర‌మే `మ‌ళ్లీ మొద‌లైంది`. టీజీ కీర్తి కుమార్ దర్శకత్వం వ‌హించిన ఈ చిత్రంలో నైనా గంగూలీ హీరోయిన్‌గా న‌టించ‌గా.. యాంక‌ర్ వ‌ర్షిణి, సుహాసిని, మంజుల, పృథ్వీరాజ్‌, అన్నపూర్ణ త‌దిత‌రులు కీల‌క పాత్ర‌ల్లో న‌టించారు. విడాకులు, రెండో పెళ్లి కాన్సెప్ట్‌తో వ‌స్తోన్న ఈ చిత్రం త్వ‌ర‌లోనే విడుద‌ల కానుంది.
అయితే తాజాగా ఈ సినిమా ట్రైల‌ర్‌ను మేక‌ర్స్ విడుద‌ల చేశారు. `కొన్ని పెళ్లిళ్లకు విడాకులే ముగింపు. అలాగే, కొన్ని విడాకులకు ముగింపు..` అంటూ ప్రారంభమైన ఈ ట్రైలర్ ఆధ్యంతం ఆక‌ట్టుకుంది. విడాకుల తర్వాత ఒక మగాడి జీవితంలో జరిగే పరిణామాలు.. సానుభూతుల మధ్య ట్రైలర్ సూప‌ర్ ఫ‌న్నీగా సాగింది.
ఇక మొదటి భార్య అయిన వర్షిణితో విడాకులు తీసుకున్న సుమంత్.. ఆ కేసులో తన భార్య తరపున వాధించిన లాయర్ నైనా గగోలిని చూసి ప్రేమలో ప‌డ‌తారు. మ‌రి వీరి ప్రేమ ఫ‌లించి పెళ్లి వ‌ర‌కు వెళ్లారా..లేదా..అన్న‌ది తెలియాలంటే సినిమా చూడాల్సిందే. మొత్తానికి అదిరిపోయిన ట్రైలర్ సినిమాపై భారీ అంచ‌నాల‌ను క్రియేట్ చేస్తుంది.