న్యాచుర‌ల్ స్టార్ నాని న‌న్ను ఏడిపించాడంటూ బాలీవుడ్ పాపుల‌ర్‌ హీరో షాహిద్‌క‌పూర్ ఆస‌క్తిక‌ర వ్యాఖ్య‌లు చేశాడు. పూర్తి వివ‌రాల్లోకి వెళ్తే..నాని, గౌతమ్ తిన్ననూరి కాంబోలో తెర‌కెక్కిన చిత్రం జెర్సీ. క్రికెట్ నేపథ్యంలో రూపొందిన ఈ సినిమా సూప‌ర్ డూప‌ర్ హిట్ అవ్వ‌డ‌మే కాదు.. న‌ట‌నాప‌రంగా నానిని మ‌రో మెట్టు ఎక్కిచింది.
ఈ హిట్ చిత్రం ఇప్పుడు హిందీలో రీమేక్ అవుతుంది. గౌతమ్ తిన్ననూరినే రీమేక్ కూడా డైరెక్ట్ చేస్తున్నాడు. నాని పాత్ర‌లో షాహిద్ కపూర్ న‌టిస్తున్నారు. షూటింగ్ పూర్తి చేసుకున్న ఈ చిత్రం విడుద‌ల‌కు సిద్ధంగా ఉంది. అయితే తాజాగా ఇన్‌స్టా లైవ్ లో ఈ సినిమాను గురించి షాహిద్ కపూర్ మాట్లాడాడు. జెర్సీ సినిమా చూస్తున్న‌పుడు నాని త‌న న‌ట‌న‌తో న‌న్ను నాలుగైదు సార్లు ఏడిపించేశాడు.
నాకు 40 ఏళ్లు.. జీవితంలో ఆలస్యంగా సక్సెస్‌ అందుకోవడం ఎలా ఉంటుందో నాకు తెలుసు. నేను కూడా చాలా ఆలస్యంగా సక్సెస్‌ అందుకున్నవాడినే. నా మనసుకు బాగా దగ్గరైందీ చిత్రం. ఎలాంటి కథలను ఎంచుకోవాలనేది నాకు ఈ సినిమా చూసిన తరువాతనే అర్థమైంది అని షాహిద్ కపూర్ చెప్పుకొచ్చాడు.