టీమిండియా పేసర్ జస్ప్రీత్ బుమ్రా సతీమణి సంజనా గణేషన్ మ్యూజిక్ ఎంజాయ్ చేస్తూ ఉల్లాసంగా స్టెప్పులేసిన వీడియో వైరల్ అవుతోంది. ఆమె పోస్టు చేసిన డ్యాన్స్ వీడియో ప్రస్తుతం హల్ చల్ చేస్తోంది. దీంతో నెటిజన్లు కామెంట్ల వర్షం కురిపిస్తున్నారు. ‘మీరు బాగా డ్యాన్స్ చేస్తున్నారు. మరి బుమ్రా ఎక్కడ వదినమ్మా’’ అంటూ కామెంట్లు చేస్తున్నారు. గత కొంతకాలంగా ప్రేమలో ఉన్న సంజనా- బుమ్రా ఈ ఏడాది మార్చి 15న గోవాలో పెళ్లి చేసుకున్న సంగతి తెలిసిందే. అత్యంత సన్నిహితుల మధ్య వీరిద్దరు వైవాహిక బంధంలో అడుగుపెట్టారు. ఐపీఎల్ వాయిదా పడటంతో బుమ్రా ఇంటికి చేరుకుని కాలం గడుపుతున్నాడు. సంజన కూడా ఐపీఎల్ అఫీషియల్ బ్రాడ్కాస్టర్ ప్రజెంటర్గా ఉంది. ఇకపోతే ఇంగ్లండ్ టెస్టు చాంపియన్ షిప్ ఫైనల్ ఆడేందుకు బుమ్రా పయనానికి సన్నద్ధమయ్యే క్రమంలో క్వారంటైన్లో ఉన్నాడు. క్రికెటర్లకు క్వారంటైన్ నుంచి మినహాయింపు ఇచ్చిన ఈసీబీ ఆటగాళ్ల కుటుంబ సభ్యుల క్వారంటైన్ విషయంలో ఇంకా ఎలాంటి నిర్ణయం తీసుకోలేదు.