టాలీవుడ్ సినిమా ఇండస్ట్రీకి చెందిన స్టార్ హీరోలు, సీనియర్ నటులు ఒక్కో చిత్రానికి రికార్డు స్థాయిలో పారితోషికం తీసుకుంటున్న సంగతి అందరికి తెలిసిందే. ప్రస్తుతం సీనియర్ స్టార్ హీరో బాలకృష్ణ నటిస్తున్న అఖండ సినిమాకు మాత్రం కేవలం 7 కోట్ల రూపాయలు పారితోషికంగా తీసుకుంటున్నారని సినీ వర్గాల సమాచారం. ఈ సినిమాకు బాలయ్య ఎక్కువ మొత్తం డిమాండ్ చేసినా దర్శకుడు బోయపాటి నచ్చజెప్పడంతో బాలకృష్ణ రెమ్యునరేషన్ ను తగ్గించుకున్నారని టాక్.
చిత్ర నిర్మాత భారీ బడ్జెట్ తో ఈ చిత్రాన్ని నిర్మిస్తూ ఉండటంతో బాలకృష్ణ రెమ్యునరేషన్ తగ్గిందని వినిపిస్తుంది. ఈ చిత్ర దర్శకుడు బోయపాటి శ్రీను ఈ సినిమాకు వచ్చిన లాభాల్లో వాటా తీసుకుంటారని ప్రచారం జరుగుతోంది. అఖండ చిత్రం తరువాత బాలకృష్ణ అనిల్ రావిపూడి, గోపీచంద్ మలినేని డైరెక్షన్ లో నటించబోతున్నారు. బాలయ్య అనిల్ రావిపూడి కాంబినేషన్ సినిమా 75 కోట్ల రూపాయల బడ్జెట్ తో తెరకెక్కనుందని సమాచారం.