టాలీవుడ్ స్టార్ హీరో మెగాస్టార్ చిరంజీవి ప్రస్తుతం తన 156వ సినిమా విశ్వంభర షూటింగ్లో బిజీగా గడుపుతున్న సంగతి తెలిసిందే. వ‌శిష్ట మ‌ల్లిడి డైరెక్షన్‌లో తెర‌కెక్కుతున్న ఈ సినిమా సోషియ ఫాంటసీ డ్రామాగా ప్రేక్షకుల ముందుకు రానుంది. ప్రస్తుతం హైదరాబాద్‌లో షూటింగ్ జరుపుకుంటున్న ఈ సినిమాలో త్రిష కృష్ణన్‌ హీరోయిన్‌గా నటిస్తుంది. ఇక హైదరాబాద్ అల్యూమినియం ఫ్యాక్టరీలో చిరంజీవితో పాటు ఫైటర్స్ తో కూడిన యాక్షన్ సీక్వెన్స్ సన్నివేశాలపై షూట్ జరిపేందుకు మేకర్స్ ప్లాన్ చేస్తున్నారు.
ఫైట్ మాస్టర్ ఇద్దరు రామ్ – లక్ష్మణ్ పర్యవేక్షణలో ఈ సన్నివేశాలు ప్రేక్షకులను ఆకట్టుకునే విధంగా రూపొందుతున్నాయట. యూవీ క్రియేషన్స్ బ్యానర్ పై విక్రమ్, వంశీ, ప్రమోద్ సంయుక్తంగా నిర్మిస్తున్న ఈ సినిమా వేరే లెవెల్ లో ఉంటుందని తెలుస్తుంది. ఇప్పటికే ఈ సినిమాపై ప్రేక్షకుల్లో మంచి అంచనాలు ఉన్నాయి. ఆస్కార్ అవార్డ్ విన్నర్ ఎం. ఎం. కీరవాణి సినిమాకు సంగీతం అందిస్తుండగా.. శ్రీ శివశక్తి దత్త, చంద్రబోస్ సాహిత్యాన్ని అందించారు.
2025 జనవరి 10న ఈ సినిమా గ్రాండ్ లెవెల్‌లో ప్రేక్షకులు ముందుకు రానుంది. ఇక ప్రస్తుతం హైదరాబాద్‌లో జరుగుతున్న ఈ పోతు సనివేశాలు సినిమాకు హైలెట్గా నిలవనున్నాయని టాక్. ఇక చిరంజీవి నుంచి చాలా రోజులకు సోషల్ ఫాంటసీ డ్రామా తెరకెక్కడం.. అది కూడా జగదేకవీరుడు అతిలోకసుందరి స్టైల్ లో ఉంటుందని టాక్ రావడంతో.. ప్రేక్షకుల్లో సినిమాపై మరింత హైప్ పెరిగింది.