నందమూరి తారక రామారావు మనవడిగా ఇండస్ట్రీలోకి అడుగుపెట్టి మంచి గుర్తింపు సంపాదించుకున్న జూనియర్ ఎన్టీఆర్ త్రిబుల్ ఆర్ సినిమాతో పాన్ ఇండియా హీరో అయిపోయాడు. ప్రస్తుతం ఎన్టీఆర్ దేవర సినిమా చేస్తున్న సంగతి తెలిసిందే.
కొరటాల శివ దర్శకత్వంలో తెరకెక్కుతున్న ఈ మూవీపై ఎన్టీఆర్ అభిమానులతో పాటు ఆడియన్స్ లో కూడా మంచి అంచనాలు నెలకొన్నాయి. ఇక ఈ మూవీలో జాన్వి కపూర్ హీరోయిన్గా నటిస్తుండగా బాలీవుడ్ స్టార్ యాక్టర్ సైఫ్ అలీ ఖాన్ విలన్ పాత్ర పోషిస్తున్నాడు. ఇక ఈ మూవీ ఎట్టి పరిస్థితుల్లోనూ అక్టోబర్ 10.. 2024న వరల్డ్ వైడ్ గా థియేటర్లో రిలీజ్ చేసేందుకు సిద్ధమవుతున్నారు మేకర్స్.
ఈ క్రమంలోనే ఈ మూవీ షూటింగ్ సర్వేగంగా జరుపుకుంటున్నారు చిత్ర బృందం. ప్రస్తుతం ఈ మూవీ షూటింగ్ గోవాలో జరుగుతుంది. ఇక ఈ షూట్ నుంచి తాజాగా ఓ స్టైలిష్ లుక్ రిలీజ్ అయింది. డైరెక్టర్ కొరటాల శివ మరియు రాజు సుందరం తో కలిసి యంగ్ టైగర్ ఎన్టీఆర్ ఉన్న స్టిల్ ఒకటి బయటకు వచ్చింది. ప్రస్తుతం ఈ పోస్టర్ సోషల్ మీడియాలో వైరల్ గా మారింది. ఈ ఫోటోని చూసిన పలువురు మరింత క్యూరియాసిటీగా ఎదురుచూస్తున్నారు.