క్యారెక్టర్ ఆర్టిస్ట్ గా ఇండస్ట్రీ లో ఎంట్రీ ఇచ్చి హీరోగా తనకంటూ ప్రత్యేకమైన గుర్తింపుని తెచ్చుకున్నాడు సుహాస్. తీసింది అతి తక్కువ సినిమాలైనా కంటెంట్‌తో పాటు తన పాత్ర‌కు ప్ర‌ధాన్య‌త ఉన్న కథలను ఎంచుకుంటూ మంచి ఫ్యాన్ ఫాలోయింగ్ దక్కించుకున్న ఈ యంగ్ హీరో.. తాజాగా ఎలాంటి ఆడంబరాలు లేకుండా సైలెంట్ గా అంబాజీపేట మ్యారేజ్ బ్యాండు సినిమాతో వచ్చి మరో హిట్ తన ఖాతాలో వేసుకున్నాడు.
ఫిబ్రవరి 2న రిలీజ్ అయిన ఈ సినిమా మూడు రోజుల్లో రూ.8 కోట్ల 60 లక్షలు వసూళ్లను కొల్లగొట్టిందని మేకర్స్ అనౌన్స్ చేశారు. తొలిరోజే ఈ మూవీ రూ.2.28 కోట్ల వసుళ్ళు దక్కించుకుంది. ఇక ఆదివారం రూ. కోటి డెబైఐదు లక్షల వరకు కలెక్షన్లు కొల్లగొట్టినట్లు ట్రేడ్ వర్గాలు చెబుతున్నాయి. ఇక ఇటీవల వచ్చిన మిగతా చిన్న సినిమాలతో పోల్చుకుంటే ఈ మూవీ చాలా బెటర్.
కాగా ఇటీవల ఈ సినిమా డిజిటల్ రైట్స్ ఫ్యామిలీ ఓటీటీ సంస్థ ఆహా దక్కించుకున్నట్లు తెలుస్తుంది. రిలీజ్ అయిన నాలుగు నుంచి ఐదు వారాల గ్యాప్ తర్వాత ఓటీటీలోకి ఈ సినిమా రానుందట. అంటే మార్చ్ 8 లేదా మార్చి 15న ఆహా ఓటీటీలో అంబాజీపేట మ్యారేజ్ బ్యిండు రిలీజ్ అవుతుంది. ఇక మార్చి ఫస్ట్ వీక్ లో ఈ సినిమా ఓటీటీ రిలీజ్ డేట్ పై అఫీషియల్ అనౌన్స్మెంట్ వచ్చే అవకాశాలు ఉన్నాయి.