మెగా పవర్ స్టార్ రామ్ చరణ్ గురించి ప్రత్యేకమైన పరిచయం అవసరం లేదు. త్రిబుల్ ఆర్ సినిమాతో పాన్ ఇండియా హీరో అయిపోయిన చరణ్ ప్రస్తుతం శంకర్ దర్శకత్వంలో గేమ్ చేంజర్ అనే సినిమా చేస్తున్న సంగతి తెలిసిందే.
ఈ సినిమాపై మెగా అభిమానులతో పాటు ఆడియన్స్ లో కూడా మంచి అంచనాలు నెలకొన్నాయి. ఇక ఈ సినిమాలో కియారా అద్వానీ హీరోయిన్గా నటిస్తుండగా అంజలి మరియు సూర్య తదితరులు కీలకపాత్రలు వహిస్తున్నారు. ఈ సినిమాని ఏడాదిలో రిలీజ్ చేసేందుకు సిద్ధమయ్యారు మేకర్స్. కానీ రిలీజ్ కి సంబంధించిన ఎటువంటి అప్డేట్ ఇవ్వలేదు.
ఇక రామ్ చరణ్ పుట్టినరోజు నాడు 27న ఈ సినిమా టీజర్ రిలీజ్ కానున్నట్లు సమాచారం. ఆ రోజున సినిమా రిలీజ్ డేట్ పై కూడా క్లారిటీ ఇవ్వనున్నట్లు తెలుస్తుంది. శ్రీ వెంకటేశ్వర క్రియేషన్స్ పతాకంపై దిల్ రాజు మరియు శిరీష్ తెరకెక్కిస్తున్న ఈ మూవీకి థమన్ సంగీతం అందించాడు. ఇక ఈ సినిమా అప్డేట్స్ గురించి చరణ్ అభిమానులు ఎంతగానో ఎదురు చూస్తున్నారు. మరి ఆ వారి ఆవేదనను అర్థం చేసుకొని ఏమైనా అప్డేట్ ఇస్తారో లేదో చూడాలి మరి.