టాలీవుడ్ ఇండస్ట్రియల్ యాంకర్ సుమకు ప్రత్యేక పరిచయం అవసరం లేదు. ఇక తాజాగా ఈమె తనయుడు రోషన్ కనకాల సినీ ఇండస్ట్రీలోకి ఎంట్రీ ఇవ్వడానికి సిద్ధమయ్యాడు. బబుల్ గ‌మ్‌ సినిమాతో టాలీవుడ్ ప్రేక్షకులను అల్లరించబోతున్నాడు. రోషన్‌కు జంటగా మానస చౌదరి ఈ సినిమాలో నటిస్తోంది. రవికాంత్ పేరేపు దర్శకత్వంలో ఈ సినిమా తెరకెక్కనుంది. పీపుల్ మీడియా ఫ్యాక్టరీ, మహేశ్వరి మూవీస్ సంయుక్తంగా ఈ సినిమాను నిర్మిస్తున్నాయి.
ఇక ఇటీవల ఈ సినిమాకు సంబంధించిన ట్రైలర్ రిలీజ్ అయింది. ట్రైలర్ తో యూత్ పై మంచి ఇంపాక్ట్ చూపించాడు రోషన్. ముఖ్యంగా ఈ ట్రైలర్లో యూత్ నే టార్గెట్ చేస్తూ కట్స్ రిలీజ్ చేశారు. తన లవర్ వల్లే ఓ వ్యక్తికి అవమానం ఎదురైతే ఆ కుర్రాడు భావోద్వేగాలు ఎలా ఉంటాయి అనేది క్లియర్ కట్‌గా చూపించాడు రోషన్. అలాంటి సందర్భాలు ఎదురైనా వాటిని ఎదుర్కొని ఆ వ్యక్తి ఎలా సక్సెస్ అయ్యాడు..? అదేవిధంగా ఆమెపై రివెంజ్ ఎలా తీర్చుకున్నాడు..? అనే అంశంతో ట్రైలర్ రిలీజ్ అయింది.
ఇందులో బ్యాక్ గ్రౌండ్ మ్యూజిక్ ప్రేక్షకులను మెప్పిస్తుంది. ట్రైలర్ తోనే కుర్రాళ్లకు ఫుల్ మీల్స్ పెట్టిన రోషన్.. ఈ సినిమాతో పక్క సూపర్ హిట్ కొట్టేలా ఉన్నాడు. ఈ ట్రైలర్లో కట్స్ చూస్తే మరో బేబీలా బ్లాక్ బస్టర్ హిట్ కొట్ట‌డం ఖాయం అనే విధంగా ఉంది. డిసెంబర్ 29న బబుల్‌గమ్ ప్రేక్షకుల ముందుకు రానుంది.