ఇటీవల స్టార్ హీరోల సూపర్ హిట్ సినిమాలు రీ రిలీజ్ చేస్తున్నారు. ఇదో ట్రెండ్గా మారింది. ఇప్పటికే మహేష్ బాబు, రామ్ చరణ్, ప్రభాస్, పవన్ కళ్యాణ్ ఇలా ఈ అగ్ర హీరోల అందరూ తమ సూపర్ హిట్ సినిమాలను రీ రిలీజ్ చేసి భారీ కలెక్షన్లను అందుకున్నారు. ఇప్పుడు ఎన్టీఆర్ కూడా ఈ లిస్టులో చేరబోతున్నాడు. ఎన్టీఆర్ పుట్టినరోజు సందర్భంగా ఇండస్ట్రీ హిట్గా నిలిచిన సింహాద్రి సినిమా రీ రిలీజ్ చేస్తున్నారు.
ఇప్పుడు తాజాగా ఈ సినిమా రీ రిలీజ్పై ఓ ఇంట్రెస్టింగ్ విషయం వెలుగులోకి వచ్చింది. ఎన్టీఆర్ రీ రిలీజ్ ట్రెండ్ లో సరికొత్త పంథా ఫాలో అవబోతున్నారు. కొత్తగా విడుదల చేయబోయే సినిమాలకు ప్రి రిలీజ్ ఈవెంట్ చేసినట్లుగా రీ రిలీజ్ సినిమాకి కూడా ఓ భారీ ఈవెంట్ ని నిర్వహించబోతున్నారట. ఇప్పుడు ఈ ఘనత కూడా ఎన్టీఆర్ సింహాద్రికి దక్కటం మరో విశేషం.
త్రిబుల్ ఆర్ సినిమాతో గ్లోబల్ హీరోగా మారిన ఎన్టీఆర్..తన కెరీర్ లోనే ఇండస్ట్రీ హిట్ గా నిలిచిన సినిమాల్లో సింహాద్రి కూడా ఒకటి. తారక్ పుట్టినరోజు సందర్భంగా మే 20న ఈ సినిమా రీ రిలీజ్ కానుంది. ఈ సినిమా విడుదల కన్నా ముందే మే 17న ఓ భారీ ప్రి రిలీజ్ ఈవెంట్ ను ప్లాన్ చేస్తున్నారట. ఈవెంట్ హైదరాబాదులోని జేఆర్సీ కన్వెన్షన్ సెంటర్లో ఎంతో గ్రాండ్గా నిర్వహించేందుకు ఏర్పాట్లు చేస్తున్నారు.
ప్రస్తుతం ఎన్టీఆర్- కొరాటాల శివ దర్శకత్వంలో ఓ సినిమాలో నటిస్తున్నారు. ఈ సినిమా షూటింగ్ జరుగుతోంది. ఈ సినిమాకు సంబంధించిన మూవీ టైటిల్ గ్లింప్స్ కూడా మే 20వ తేదీన విడుదల చేసే అవకాశం ఉంది. వచ్చే సమ్మర్ కానుకగా ఏప్రిల్ 5న ఈ సినిమా రిలీజ్ కానుంది.