తెలుగుదేశం పార్టీ వ్యవస్థాపకులు సీనియర్ ఎన్టీఆర్ శతజయంతి ఉత్సవాలకు జూనియర్ ఎన్టీఆర్‌కు ఆహ్వానం అందింది. ఈ నెల 20న కూక‌ట్‌ప‌ల్లిలో జరగనున్న ఎన్టీఆర్ శతజయంతి ఉత్సవాలకు జూనియర్ ఎన్టీఆర్‌తో పాటు ఇతర నందమూరి కుటుంబ సభ్యులను టీడీపీ సీనియర్ నాయకులు టీడీ జనార్థ‌న్ ఆహ్వానించారు. అలాగే మే 20న జరిగే ఈ కార్యక్రమంలో జయహో ఎన్టీఆర్ వెబ్ సైట్ కూడా ప్రారంభించనున్నారు. ఎన్టీఆర్ పై ప్రత్యేకంగా రూపొందించిన శకపురుషుడు, సావనీర్‌ను విడుదల చేయనున్నారు.
ఈ కార్యక్రమంలో ఈ నందమూరి కుటుంబ సభ్యులందరూ పాల్గొనాలని… అలాగే కార్యక్రమాన్ని నందమూరి బాలకృష్ణ – రామకృష్ణ పర్యవేక్షించనున్నారు. ఈ క్రమంలోనే ఎన్టీఆర్ లిటరేచర్, సావనిర్ అండ్ వెబ్‌సైట్ కమిటీ చైర్మన్‌గా టీడీ జనార్దన్, ఇతర సభ్యులు.. సభ కార్యక్రమాలపై సినీపరిశ్రమ ప్రముఖులతో కూడా సమాలోచనలు నిర్వహించారు. మరోవైపు చంద్రబాబు కూడా ఈ కమిటీ సభ్యులతో ఎప్పటికప్పుడు ప్రత్యేకంగా చర్చిస్తూ వారికి సలహాలుస్తూనే ఉన్నాడు.
ఈ కమిటీ కన్వీనర్ టీజీ జనార్దన్ నందమూరి కుటుంబ సభ్యులు అందర్నీ కలిసి ఈ కార్యక్రమానికి రావాలని ఆహ్వానాలు అందించారు. ఇదే సమయంలో ఈ కార్యక్రమానికి రావాలని జూనియర్ ఎన్టీఆర్ తో పాటు దగ్గుబాటి పురందేశ్వరి, నందమూరి కళ్యాణ్ చక్రవర్తిలను కలిసి ఈ ఆహ్వానాలను అందించారు. నందమూరి కుటుంబ సభ్యులకు ఆహ్వానం పలుకుతున్న టీజీ జనార్ధన్ వెంట నందమూరి రామకృష్ణ కూడా వెళ్లారు.
ఇదే సమయంలో గత కొంతకాలంగా జూనియర్ ఎన్టీఆర్‌ను, టిడిపి నందమూరి కుటుంబం దూరం పెడుతుందనే ఆరోపణలు కూడా ఉన్నాయి. సోషల్ మీడియాలో కూడా ఈ విషయం ఎన్నోసార్లు చర్చ నియాంశంగా మారింది. ఇదే సమయంలో హైదరాబాద్ లో జరిగే ఎన్టీఆర్ శతజయంతి ఉత్సవాలకు జూనియర్ ఎన్టీఆర్‌ను ఆహ్వానించడం ఇప్పుడు ఇటు టిడిపి వర్గాల్లోనూ, నందమూరి అభిమానులను కొత్త చర్చలకు దారి తీసింది. ఇక ఇప్పుడు జూనియర్ ఎన్టీఆర్ ఈ కార్యక్రమంలో పాల్గొంటారా లేదా అనేది చూడాలి.