ఐకాన్ స్టార్ అల్లు అర్జున బర్త్డే సందర్భంగా నిన్న సోషల్ మీడియాలో ఆయన పేరు మారుమోగిపోయింది. అలాగే తెలుగు రాష్ట్రాల్లో అల్లు అభిమానులు బన్నీ పుట్టిన రోజు వేడుకలను ఘనంగా జరుపుకున్నారు. అలాగే బన్నీ బర్త్డే సందర్భంగా బయటకు వచ్చిన `పుష్ ది రూల్` టీజర్ ఎంతలా ఆకట్టుకుందో ప్రత్యేకంగా వివరించక్కర్లేదు.
ఇకపోతే బన్నీకి యంగ్ టైగర్ ఎన్టీఆర్ కూడా ట్విట్టర్ ద్వారా బర్త్డే విషెస్ చెప్పాడు. `హ్యాపీ బర్త్ డే బావ` అంటూ లవ్లీగా ఎన్టీఆర్ ట్విట్ చేయగా.. అందుకు బన్నీ `నీ విషెస్ కు చాలా థాంక్యూ బావ.. బిగ్ హగ్స్` అని రిప్లై ఇచ్చాడు. దాంతో ఎన్టీఆర్ `కేవలం హగ్స్ మాత్రమేనా.. పార్టీ లేదా పుష్ప..?` అంటూ ప్రశ్నించాడు. అందుకు బన్నీ `వస్తున్నా` అంటూ ట్వీట్ చేశాడు.
వీరిద్దరి మధ్య సంభాషణ చూసి ఇద్దరి హీరోల అభిమానులు తెగ మురిసిపోతున్నారు. ఇక ఓ నెటిజన్ దేశముదురు మరియు టెంపర్ మూవీ క్లిప్స్ ని క్లబ్ చేస్తూ ఓ వీడియోను షేర్ చేశాడు. అందులో ఎన్టీఆర్ మందు తీసుకురమ్మన్నడం.. అందుకు బన్నీ వస్తున్నా.. కుమ్మేసుకుందాం అని చెప్పడం చాలా ఫన్నీగా ఉంటుంది. మొత్తానికి నవ్వులు పూయిస్తున్న ఎన్టీఆర్-బన్నీ మందు పార్టీ వీడియో తెగ వైరల్ అవుతోంది.
https://twitter.com/UdayAAdhf/status/1644733757663121409?s=20