రాధాకృష్ణ దర్శకత్వంలో యంగ్ రెబల్ స్టార్ ప్రభాస్ హీరోగా , పూజా హెగ్డే హీరోయిన్ గా తెరకెక్కుతున్న చిత్రం రాధే శ్యామ్.. భారీ బడ్జెట్ తో తెరకెక్కుతున్న ఈ చిత్రాన్ని సంక్రాంతి పండుగగా 2022 జనవరి 14వ తేదీన విడుదల చేస్తామని అధికారికంగా కూడా చిత్రం యూనిట్ ప్రకటించింది. దాదాపు కొన్ని సంవత్సరాల తర్వాత ప్రభాస్ ఇలాంటి రొమాంటిక్ జానర్లో సినిమా చేస్తుండడం గమనార్హం. ఈ సినిమాలో ప్రభాస్ విక్రమాదిత్య గా ఒక ప్రత్యేకమైన క్యారెక్టర్ లో మనకు కనిపించబోతున్నాడు. విడుదలైన విక్రమార్క క్యారెక్టర్ టీజర్ దాదాపుగా 60 గంటలకు పైగా యూట్యూబ్ లో నెంబర్ వన్ ట్రెండింగ్ లో ఉండడం గమనార్హం.
ఇకపోతే వింటేజ్ బ్యాక్ డ్రాప్లో ఇటలీ లో జరిగే ప్రేమ కథ గా తెరకెక్కిన ఈ చిత్రం నుంచి తాజాగా మొదటి లిరికల్ సాంగ్ విడుదల అయింది.. “ఎవరో వీరెవరో ” అంటూ వచ్చే ఈ పాటకు అనూహ్యమైన స్పందన లభిస్తోంది.. ప్రభాస్ ని సరికొత్త లుక్ లో ప్రెజెంట్ చేశాడు డైరెక్టర్.. జస్టిన్ ప్రభాకరన్ అందించిన బ్యాగ్రౌండ్ స్కోర్ అదనపు ఆకర్షణగా నిలిచింది.. ఆకట్టుకునే గ్రాఫిక్స్ , డిజైన్స్ చాలా అద్భుతంగా ఉన్నాయని చెప్పవచ్చు.