టాలీవుడ్ టాప్ హీరోయిన్, అక్కినేని వారి కోడలు సమంత నటన గురించి ప్రత్యేకంగా చెప్పక్కర్లేదు. ఏ పాత్ర చేసిన ది బెస్ట్ ఇచ్చేస్తుంది సామ్. ముఖ్యంగా సమంత నటించిన ది ఫ్యామిలీ మ్యాన్ 2 సిరీస్ ఈ మధ్య విడుదలై సంచలన విజయాన్ని అందుకున్న సంగతి తెలిసిందే. ఈ సిరీస్లో రాజీ అనే నెగెటివ్ పాత్రలో సమంత అదరగొట్టేసింది.
ఆమె పాత్రలో మరొకరని ఊహించటం కష్టం. అంతలా పాత్రలోకి వెళ్లిపోయింది. అయితే తాజాగా బాలీవుడ్ స్టార్ హీరో షాహిద్ కపూర్ తాజాగా అభిమానులతో చాటింగ్ సెషన్లో పాల్గొనగా.. ఓ నెటిజన్ ది ఫ్యామిలీ మ్యాన్ 2 సిరీస్ గురించి అడిగాడు. దీనిపై షాహిద్ మాట్లాడుతూ ఫ్యామిలీ మ్యాన్ 2 నాకు చాలా బాగా నచ్చిందని, ముఖ్యంగా సమంత తన నటనతో మిస్మరైజ్ చేసిందని చెప్పుకొచ్చారు.
అంతేకాదు, ఒకసారైనా ఆమెతో కలిసి నటించాలని ఉందని తన మనసులో మాట బయటపెట్టాడు. ఇక షాహిద్ సమంతతో నటించాలనుందని చెప్పడంతో చాలా మంది ఆశ్చర్యపోతున్నారు. కాగా, షాహిద్ ప్రస్తుతం గౌతమ్ తిన్ననూరి దర్శకత్వంలో `జెర్సీ` రీమేక్ చేస్తున్నాడు. ఈ మూవీని 2021 డిసెంబర్ 31న విడుదల చేయబోతున్నారు.