న్యాచురల్‌ స్టార్ నాని చెల్లెలు దీప్తి ఘంటా రోల్‌.. కెమెరా..యాక్ష‌న్‌ అంటూ దర్శకత్వ బాధ్యతలు చేపట్టింది. ఈమె ద‌ర్శ‌క‌త్వంలో తెర‌కెక్కబోతోన్న మొద‌టి చిత్రం మీట్ క్యూట్‌. నాని సొంత నిర్మాణ సంస్థ వాల్‌ పోస్టర్‌ బ్యానర్‌పై ప్రశాంతి తిపిర్నేని ఈ చిత్రాన్ని నిర్మిస్తున్నారు.
సీనియర్‌ నటుడు సత్యరాజ్ కీల‌క పాత్ర పోషిస్తున్న ఈ చిత్రంలో ఐదుగురు హీరోయిన్లు క‌నిపించ‌నున్నారు. ఆ ఐదుగురు హీరోయిన్స్ ఎవరనే విషయాన్ని మాత్రం ఒక్కో సందర్భంలో రివీల్ చేస్తానని చెప్పుకొచ్చాడు నాని. అయితే ఆ ఐదుగురు హీరోయిన్ల‌లో ఒక‌రిగా ప్ర‌ముఖ హీరోయిన అదాశ‌ర్మ ఫిక్స్ అయింది.
ఈ విషయాన్ని స్వ‌యంగా ఆమెనే వెల్ల‌డిస్తూ..ఇప్ప‌టి వ‌ర‌కు నేను న‌టించ‌ని పాత్ర‌ని ఈ సినిమాలో పోషిస్తున్నాను. సరికొత్త క‌థ‌ల్ని, విభిన్న నేప‌థ్యాల్ని ప్రేక్ష‌కుల‌కి అందించేందుకు తెలుగు సినిమా ప‌రిధుల్ని చెరిపేస్తుంటారు నాని. ప్ర‌యోగాలు చేసేందుకు ఎప్పుడూ ముందుంటారాయ‌న. అలాంటి ఆయ‌న ప్రాజెక్టులో ఓ భాగ‌మ‌వ‌డం చాలా ఆనందంగా ఉంది అంటూ అదా చెప్పుకొచ్చింది. ఇక మిగతా పాత్రల కోసం కాజ‌ల్ అగ‌ర్వాల్‌, నివేదా థామస్, రుహానీ శర్మ తదితరుల పేర్లు వినిపిస్తున్నాయి.