అక్క‌డ‌ 1.6 కోట్లు సంపాదించిన స‌మంత‌..ఖుషీలో ఫ్యాన్స్‌!

అక్కినేని వారి కోడ‌లు, టాలీవుడ్ స్టార్ హీరోయిన్ స‌మంత గురించి ప్ర‌త్యేకంగా చెప్ప‌క్క‌ర్లేదు. పెళ్లి త‌ర్వాత కూడా వ‌రుస సినిమాల‌తో దూసుకుపోతున్న ఈ బ్యూటీ తాజాగా ఓ అరుదైన రికార్డును సొంతం చేసుకుంది.

సినిమాల‌తో ఎంత బిజీగా ఉన్న‌ప్ప‌టికీ.. సోష‌ల్ మీడియా ఫుల్ యాక్టివ్‌గా ఉంటుంది స‌మంత‌. ఎప్ప‌టిక‌ప్పుడు త‌న‌కు సంబంధించిన ఫొటోలను, వీడియోల‌ను షేర్ చేస్తూ.. అభిమానుల‌కు చేరువ‌వుతుంటుంది. దీంతో ఆమెను ఫాలో అయ్యే వారి సంఖ్య రోజురోజుకు పెరిగిపోతోంది. ఈ క్ర‌మంలోనే తాజాగా ఇన్‌స్టాగ్రామ్‌లో 16 మిలియన్‌ ఫాలోవర్స్ అంటే 1.6 కోట్ల ఫాలోవ‌ర్స్‌ను స‌మంత సంపాదించుకుంది.

ఈ విషయాన్ని సమంత తన ఇన్‌స్టా స్టోరీస్‌ ద్వారా తెలియజేస్తూ అభిమానులకు థాంక్స్‌ చెప్పారు. దీంతో ఆమె ఫ్యాన్స్ ఫుల్ ఖుషీ అవుతూ.. స‌మంత‌కు కంగ్రాట్స్ తెలుపుతున్నారు. కాగా, స‌మంత ప్ర‌స్తుతం గుణశేఖర్‌ దర్శకత్వంలో `శాకుంతలం`లో న‌టిస్తోంది. అలాగే ఈమె న‌టించిన ది ఫ్యామిలీ మ్యాన్ వెబ్ సిరీస్ విడుద‌ల‌కు సిద్ధంగా ఉంది.‌