టాలీవుడ్ హాట్ బ్యూటీ పాయల్ రాజ్‌పుత్ గురించి కొత్తగా ప‌రిచ‌యాలు అవ‌స‌రం లేదు. ఆర్‌ఎక్స్‌ 100 సినిమాతో తెలుగు చిత్ర ప‌రిశ్ర‌మ‌లో అడుగు పెట్టిన పాయల్.. మొద‌టి సినిమాతోనే సంచ‌ల‌న విజ‌యాన్ని అందుకుంది. ఈ చిత్రంలో నెగిటివ్ షేడ్స్‌లో న‌టించిన పాయల్.. ప్రేక్ష‌కుల‌కు తెగ ఆక‌ట్టుకంది.
ఈ చిత్రం త‌ర్వాత ప‌లు చిత్రాలు చేసినా.. పాయ‌ల్‌కు మంచి హిట్ అయితే ద‌క్క‌లేదు. దీంతో ప్ర‌స్తుతం ఈ భామ వెబ్ సిరీస్ బాట ప‌ట్టింద‌ట. ప్ర‌ముఖ ఓటీటీ సంస్థ ఆహాలో రూపొందిస్తున్న త్రీ రోజెస్ వెబ్ సిరీస్ లో పాయల్ అవకాశం దక్కించుకున్న‌ట్టు తెలుస్తోంది.
ఈ వెబ్ సిరీస్‌లో కూడా పాయల్ నెగిటివ్ షేడ్స్ తో కూడిన పాత్రలో చేస్తోందట. ఆమె విలనిజమే ఈ సిరీస్ కి హైలైట్ గా నిలుస్తుందని అంటున్నారు. మరి ఈ బ్యూటీ సినిమాలలో ఆశించిన స్థాయిలో రాణించకపోయినా.. వెబ్ సిరీస్ లలో సత్తా చాటుతుందేమో చూడాలి.