టీజ‌ర్‌తోనే సంచ‌ల‌నాలు క్రియేట్ చేస్తోన్న “స్పైడ‌ర్”

టాలీవుడ్ ప్రిన్స్ మహేష్ బాబు ఫ్యాన్స్‌తో పాటు యావ‌త్ టాలీవుడ్ సినీజ‌నాలంద‌రూ ఎప్పుడెప్పుడా అని వెయిట్ చేస్తోన్న స్పైడ‌ర్ టీజ‌ర్ రానే వ‌చ్చేసింది. టీజ‌ర్ రిలీయ్ అయిన కొద్ది సేప‌టికే యూట్యూబ్‌లో జోరుగా ట్రెండ్ అవుతోంది. ఈ టీజ‌ర్‌కు సినీజనాల నుంచి ప్ర‌శంస‌లు వెల్లువెత్తుతున్నాయి. ఈ క్ర‌మంలోనే ఈ టీజ‌ర్‌కు ప‌వ‌ర్‌స్టార్ ప‌వ‌న్‌క‌ళ్యాణ్ వీరాభిమాని నుంచి సైతం అదిరిపోయే ప్ర‌శంస వ‌చ్చింది.

ఆ వీరాభిమాని ఎవ‌రో కాదు యంగ్ హీరో నితిన్‌. టీజ‌ర్ త‌న‌కు చాలా న‌చ్చింద‌న్న నితిన్ సినిమా రిలీజ్ వ‌ర‌కు వెయిట్ చేయ‌లేన‌న్నాడు. స్వ‌త‌హారాగా ప‌వ‌న్‌కు వీరాభిమాని అయిన నితిన్ మ‌హేష్‌బాబు టీజ‌ర్ గురించి ఇలా ప్ర‌శంస‌లు కురిపించి ఇండ‌స్ట్రీలో హీరోల మ‌ధ్య ఎలాంటి స్నేహం భావం ఉందో మ‌రోసారి చాటి చెప్పాడు.

మ‌హేష్ బావ సుధీర్‌బాబు సైతం స్పైడ‌ర్ టీజ‌ర్‌పై త‌న అభిప్రాయం వ్య‌క్తం చేశాడు. టీజర్ కేక అన్న సుధీర్ బీజీఎమ్ చాలా బాగుందని పోస్ట్ చేశాడు. ఏదేమైనా టీజ‌ర్‌తోనే సంచ‌ల‌నాలు క్రియేట్ చేస్తోన్న స్పైడ‌ర్ రిలీజ్ అయ్యాక ఇంకెన్ని సంచ‌ల‌నాలు క్రియేట్ చేస్తుందో చూడాలి.