టాలీవుడ్ దర్శక‌ధీరుడు రాజమౌళి డైరెక్షన్‌లో పొందుతున్న బిగ్గెస్ట్ ప్రాజెక్ట్ వారణాసి. మహేష్ బాబు హీరోగా తెర‌కెక్కుతున్న ఈ సినిమాపై సోషల్ మీడియాలో ఏ రేంజ్‌లో బజ్‌ క్రియేట్ అయ్యింది ప్రత్యేకంగా చెప్పాల్సిన అవసరం లేదు. కేవలం టైటిల్ ఈవెంట్‌తోనే గ్లోబల్ లెవెల్‌లో ప్రకంపన‌లు సృష్టించిన రాజమౌళి.. సూపర్ స్టార్ దొరికితే ఎలాంటి అద్భుతాలు క్రియేట్ చేయగలడు మైక్రో టీజర్ తోనే చూపించేసాడు. అసలు సినిమా రాబోయే రోజుల్లో ఎలా ఉండబోతుంది అనే ఆసక్తి ఆడియన్స్‌లో నెలకొల్పాడు. ప్రస్తుతం ఈ సినిమా షూట్ గ్యాప్ లేకుండా సరవేగంగా జరుగుతున్న సంగతి తెలిసిందే.
ఒక భారీ యాక్షన్ సన్నివేశాన్ని తాజాగా కంప్లీట్ చేశారు. ఈ షెడ్యూల్‌లో ప్రియాంక చోప్రాతో పాటు మిగిలిన నటినటులు కూడా సందడి చేస్తున్నారు. ఇదంతా పక్కన పెడితే.. వారణాసి టైటిల్ పై ఇటీవల కాలంలో వివాదం మొదలైంది. కారణం.. ఈ టైటిల్ గతంలోనే ఓ ప్రముఖ నిర్మాణ సంస్థ ఫిలిం ఛాంబర్‌లో రిజిస్టర్ చేయించడం.. దీంతో నిర్మాత దాన్ని పెద్ద ఇష్యూ చేశారు. ఈ క్రమంలోనే రాజమౌళి సినిమా టైటిల్ ఛేంజ్ చేసినట్లు తెలుస్తుంది. వారణాసి టైటిల్లో రాజమౌళి వారణాసిగా మార్చారట. ఇది కేవలం తెలుగు వర్షన్ లో మాత్రమే. మిగిలిన భాషల్లో వారణాసి అనే టైటిల్‌నే ఉంచ‌నున్నారని సమాచారం. అయితే.. దీనిపై సోషల్ మీడియాలో ఇప్పటికే ట్రోల్స్ మొదలైపోయాయి.
రాజమౌళి తీసే సినిమా చిన్న హీరో తగిలితే ఇలానే తొక్కేస్తాడంటూ.. ఇతర హీరోల ఫ్యాన్స్ ట్రోలింగ్స్‌ మొదలుపెట్టారు. మరోపక్క మహేష్ ఫ్యాన్స్ సైతం ఈ విషయంలో రాజమౌళి పై ఫైర్ అవుతున్నారు. రాజమౌళి వారణాసి ఏంటి.. మహేష్, రాజమౌళి వారణాసి అని పెట్టాలి. లేదా.. హీరో గ‌నుక మహేష్ వారణాసి అని పెట్టొచ్చు కదా అంటూ మండిపడుతున్నారు. అయితే రాజమౌళి ఏ స్టార్ హీరోలతో సినిమా చేసిన కచ్చితంగా దాని బ్రాండ్ ఇమేజ్ రాజమౌళి సినిమానే. గతంలో తెర‌కెక్కించిన బాహుబలి, ఆర్‌ఆర్ఆర్ సినిమాలు సైతం రాజమౌళి సినిమాలు గానే హైలెట్ అయ్యాయి. ఎంత పెద్ద సూపర్ స్టార్ తో సినిమా చేసిన రాజమౌళి సినిమాగానే అంతా చూస్తారు. సూపర్ స్టార్లను మించిన బ్రాండ్ ఇమేజ్ ఆయన సొంతం. అందులో ఎలాంటి సందేహం లేదంటూ రాజమౌళి ఫ్యాన్స్‌తో పాటు.. సినీ విశ్లేషకులు సైతం అభిప్రాయాలు వ్యక్తం చేస్తున్నారు.