స్టార్ హీరోయిన్ అనుష్క శెట్టికి టాలీవుడ్ లో ప్రత్యేక పరిచయం అవసరం లేదు. ఒకప్పుడు టాలీవుడ్ ఇండస్ట్రీని షేక్ చేసిన ఈ ముద్దుగుమ్మ.. సీనియర్ జూనియర్ అని తేడా లేకుండా దాదాపు టాలీవుడ్ అగ్ర హీరోల అందరి సరసన నటించి అభినయంతో ఆకట్టుకుంది. ఈ అమ్మడు కోట్లాదిమంది ఫ్యాన్ ఫాలోయింగ్ సొంతం చేసుకుంది. దాదాపు సినీ ఇండస్ట్రీని రెండు దశాబ్దాల పాటు ఏలేసినా ఈ అమ్మడు.. తన నటనకు ఎన్నో అవార్డులను దక్కించుకుంది. అయితే నాలుగుపదుల వయసు మీద పడుతున్నా.. ఇప్పటికి అనుష్క వివాహం చేసుకోలేదన్న సంగతి తెలిసిందే.
ఇక దాదాపు మూడు ఏళ్లుగా అనుష్క.. అడ‌పాద‌డ‌పా సినిమాల్లోనే మెరుస్తుంది. ఒకటి రెండు సినిమాల్లో మాత్రమే నటిస్తూంది. కాగా అనుష్క కెరీర్ బ్లాక్ బస్టర్ సినిమాలలో.. అరుంధతి కూడా ఒకటి. ఈ సినిమాలో అనుష్క తన నటనకు ప్రశంసలు అందుకుంది. అవార్డులు దక్కించుకుంది. సినిమాల్లో జేజమ్మగా అద్భుత నటనతో మెరిసిన అనుష్క.. తాను తప్ప ఈ పాత్రకు మరెవ‌రు సెట్ కాదు అనేంతలో ఒదిగిపోయింది. అయితే మొదట ఈ సినిమా ఒకప్పటి స్టార్ హీరోయిన్ ప్రేమను భావించారట.
కానీ.. తన డేట్స్ ఎడ్జ‌స్ట్ కాకపోవడంతో ఈ సినిమాలో నటి ప్రేమ చేయనని చెప్పేసిందట. వెంటనే ఈ పాత్ర కోసం అనుష్కను అప్రోచ్ కావడం.. ఆమె మూవీకి గ్రీన్ సిగ్నల్ ఇవ్వడం.. ఈ సినిమా రిలీజ్ బ్లాక్ బస్టర్ అవ్వ‌డం జ‌రిగిపోయాయి. ఇక తర్వాత అరుంధతి సినిమాను చూసిన ప్రేమ.. ఈ సినిమాను అనవసరంగా మిస్ చేసుకున్నానని చాలా బాధపడిందట. ఆ సినిమాలో నేను నటించి ఉంటే ఇంకా బాగుండేదని అనుకుందట. ఈ సినిమాలో అనుష్క నటించడం తన కెరీర్‌కే పెద్ద దెబ్బ అయ్యింద‌ని ప్రేమ చేసిన కామెంట్స్ వైరల్ గా మారుతున్నాయి.