టాలీవుడ్ ఇండస్ట్రీలో స్టార్ హీరోగా దూసుకుపోతున్నాడు యంగ్ టైగర్ ఎన్టీఆర్. బాల నటుడుగా ఇండస్ట్రీలోకి అడుగుపెట్టిన తారక్.. రాజమౌళి డైరెక్షన్లో తెరకెక్కిన ఆర్ఆర్ఆర్ సినిమాతో పాన్ ఇండియా లెవెల్ లో గ్లోబల్ స్టార్ గా గుర్తింపు తెచ్చుకున్నాడు. ఈ సినిమా తర్వాత ఎన్టీఆర్ చేసే సినిమాలు అన్ని పాన్ ఇండియా లెవెల్ లోనే ప్రేక్షకుల ముందుకు రానున్నాయి. ప్రస్తుతం కొరటాల శివ డైరెక్షన్లో దేవర మూవీలో నటిస్తున్నాడు తారక్.
ఈ సినిమా రెండు పార్ట్‌లుగా రిలీజ్ కానున్న సంగతి తెలిసిందే. అయితే మొదటి భాగం దసరా కానుకగా రిలీజ్ చేయాలని ఫిక్స్ అయ్యారు మేకర్స్. అక్టోబర్ 10 న ఈ సినిమా ప్రేక్షకుల ముందుకు రానుంది. ఈ క్రమంలో టాలీవుడ్ తో పాటు.. బాలీవుడ్ లోను అవకాశాలను అందుకుంటున్నాడు తారక్. ప్రస్తుతం ఈయన బాలీవుడ్ లో వార్2 సినిమాలో నటిస్తున్న సంగతి తెలిసిందే. ఈ సినిమా తర్వాత.. ఎన్టీఆర్ ప్రశాంత్ నీల్ డైరెక్షన్లో మరో సినిమాలో నటించనున్నాడు. కాగా ఈ సినిమా ఇప్పటికే షూటింగ్ ప్రారంభం కావాల్సి ఉండగా కొన్ని కారణాలతో పోస్ట్ పోన్ అవుతూ వచ్చింది.
తాజాగా ప్రశాంత్ నీల్ – ఎన్టీఆర్ కాంబోలో రాబోయే సినిమాకు సంబంధించి ఓ న్యూస్ వైరల్ గా మారింది. ఇక ఆ మేటర్ తెలిసిన ఫ్యాన్స్ ఆనందాన్ని వ్యక్తం చేస్తున్నారు. ప్రశాంత్, ఎన్టీఆర్ కాంబోలో రాబోయే ఈ సినిమా ఈ ఏడాది అక్టోబర్ నుంచి షూటింగ్ ప్రారంభించినుందని తెలుస్తుంది. అంతేకాదు ఈ సినిమా ఎప్పుడు లేని విధంగా గ్రాండ్ గా డిజైన్ చేస్తున్నారట మూవీ టీం. ప్రస్తుతం ఈ న్యూస్ మరింత వైరల్‌గా మారడంతో.. ఫాన్స్ ఆనందం వ్యక్తం చేస్తున్నారు. అయితే త్వరలోనే ఈ సినిమా షూటింగ్ వివరాలు అఫీషియల్‌గా అనౌన్స్ చేయనున్నారట.