ఇండస్ట్రీలో అడుగుపెట్టిన వారంతా స్టార్‌డం సంపాదించుకోవడానికి.. తమకంటూ ప్రత్యేక ఇమేజ్ క్రియేట్ చేసుకోవడానికి అహర్నిశలు శ్రమిస్తూ ఉంటారు. అయితే కొంతమందికి ఇండస్ట్రీలో తాము ఏంటో ప్రూవ్ చేసుకోవడానికి చాలా శ్రమ పడాల్సి ఉంటుంది. ఆ స్టార్‌డం నిలబెట్టుకోవడానికి కూడా అహర్నిశలు కష్టపడుతూ ఉంటారు. అయితే అలా ఎంతో కష్టపడి తమ స్టార్‌డంను ఇప్పటికీ కొనసాగిస్తున్న హీరోలలో తారక్, పవన్ ,మహేష్ మొదటి వరుసలో ఉంటారు. ఈ ముగ్గురికి టాలీవుడ్ ఇండస్ట్రీలో ఉన్న క్రేజ్ గురించి ప్రత్యేకంగా చెప్పాల్సిన అవసరం లేదు. అయితే ఈ ముగ్గురు స్టార్ హీరోలు అవ్వడానికి ఆ హీరోయిన్ ప్ర‌ధాన కార‌ణం అంటూ వార్త‌లు వైర‌ల్ అవుతున్నాయి.
ఆమె ఇచ్చిన సూపర్ సక్సెస్ లతోనే వీరు ముగ్గురు స్టార్ హీరోలుగా మారారు అంటూ తెలుస్తుంది. ఇంతకీ ఆ హీరోయిన్ ఎవరు.. ఆ సినిమాలేంటో ఒకసారి చూద్దాం. ఆమె ఎవరో కాదు భూమిక. ఒకప్పుడు టాలీవుడ్ స్టార్ హీరోయిన్. ఈ ముద్దుగుమ్మ వరుస సినిమాల్లో నటించి ఎన్నో హిట్ సినిమాలను తన ఖాతాలో వేసుకుంది. మొదటి పవన్ కళ్యాణ్ కి ఖుషి సినిమాతో బ్లాక్ బస్టర్ హిట్ అందించి స్టార్ హీరోగా మార్చింది. 2001లో వచ్చిన ఈ సినిమా టాలీవుడ్ లో సెన్సేషన్ సృష్టించిన సంగతి తెలిసిందే.
ఆ తర్వాత జూనియర్ ఎన్టీఆర్ హీరోగా రాజమౌళి డైరెక్షన్లో వచ్చిన సింహాద్రి సినిమా ఎన్టీఆర్ కెరీర్ ని యూటర్న్ చేసింది. ఈ సినిమాలో కూడా భూమిక హీరోయిన్గా నటించింది. ఇక మహేష్ బాబు హీరోగా.. గుణ‌శేఖర్ డైరెక్షన్లో వచ్చిన ఒకడు సినిమా బాక్సాఫీస్ వద్ద ఎలాంటి సక్సెస్ అందుకుందో అందరికీ తెలుసు. ఈ సినిమాలో భూమిక హీరోయిన్గా నటించింది. ఇలా భూమిక హీరోయిన్గా నటించిన సినిమాలు వరుసగా సక్సెస్ కావడం ముగ్గురికి ఈ సినిమాలతోనే స్టార్ హీరోలుగా క్రేజ్ రావడంతో ఈటాలీవుడ్ స్టార్ హీరోల సూపర్ సక్సెస్‌కు భూమికనే కీలక పాత్ర పోషించిందంటూ.. ఆమె ఈ సినిమాలలో నటించడం వల్లే ఈ సినిమాలన్నీ సక్సెస్ అయ్యాయి అంటూ అభిమానులు తమ అభిప్రాయాన్ని వ్యక్తం చేస్తున్నారు.
