ఎటువంటి బ్యాక్గ్రౌండ్ లేకుండా ఇండస్ట్రీ లోకి అడుగుపెట్టి తనకంటూ ప్రత్యేకమైన గుర్తింపు సంపాదించుకున్నాడు నేచురల్ స్టార్ నాని. ఇక ఇటీవలే హాయ్ నాన్న సినిమాతో ప్రేక్షకుల ముందుకు వచ్చి భారీ విజయాన్ని దక్కించుకున్నాడు.
ఇక కొత్త కొత్త సబ్జెక్టులతో అలరించే నాని ఈ మూవీ అనంతరం కెరీర్ 31వ సినిమాని దర్శకుడు వివేక్ తో అనౌన్స్ చేశాడు. ఆ సినిమాకి సరిపోదా శనివారం అనే టైటిల్ ని కూడా ఫిక్స్ చేశారు. ఇక ఈ సినిమాపై నేచురల్ స్టార్ అభిమానులతో పాటు ఆడియన్స్ లో కూడా మంచి అంచనాలు నెలకొన్నాయి.
ఇక ఈ సినిమాని ఈ ఏడాదిలోనే రిలీజ్ చేసే ప్లానింగ్ లో ఉన్నారని మేకర్స్ ఓ డేట్ ని కూడా ఫిక్స్ చేసినట్లు బజ్ వినిపిస్తుంది. మేకర్స్ ముందుగా అయితే ఆగస్టు 15 డేట్ ని లాక్ చేశారు అని రూమర్స్ వచ్చాయి. అయితే ఈ డేట్ లో ఉన్న భారీ చిత్రం పుష్ప 2 ఒకవేళ రాకపోతే ఈ డేట్ ని లాక్ చేసుకోగా.. ఇక ఒకవేళ పుష్ప 2 వస్తే మరో డేట్ ని అనుకున్నారట. అదే ఆగస్టు 29. ఇక పుష్ప రిలీజ్ డేట్ పై సరిపోదా శనివారం మూవీ కూడా ఆధారపడి ఉంది.