ఎంతటి వాడైనా కాంతదాసుడే అంటూ పెద్దవాళ్లు సామెత చెప్తూ ఉంటారు. దానీ అర్థం ఎలాంటి మగవాడైనా ఒక అమ్మాయి వాలు చూపులకు చిత్తు కావాల్సిందే. అయితే ఆడవారి చూపులే కాదు.. ఆడవారికి కన్నీళ్ళకి కూడా అంతే పవర్ ఉంటుందని తాజాగా ఓ ఆసక్తికర అధ్యయనంలో బయటపడింది. సాధారణంగా ఆడవాళ్లు ఎప్పుడైనా కన్నీరు కారిస్తే మగవాళ్ళకు మరింత చిరాకు, కోపం వస్తూ ఉంటాయి. ఆ టైంలో వారి కోపాన్ని అసలు అంగీకరించని లేడీస్ మరింతగా బాధపడుతూ ఉంటారు.
అయితే ఆడవారి కన్నీళ్లను ఇష్టపడని మగాళ్లు ఆ కన్నీళ్ల వాసన త‌గిలితే మాత్రం దాసోహ‌మవుతారని అధ్యాయంలో తేలింది. తాజాగా ఇజ్రాయుల్‌కు చెందిన సైంటిస్టులు ఈ అంశానికి సంబంధించి ఎన్నో ఆసక్తికర విషయాలను వెల్లడించారు. ఆడవారి కన్నీళ్ళ వాసన పిలిస్తే ఎంత దూకుడుగా ఉండే మగవాడికైనా కళ్ళాలు పడతాయట. వారు శాంత స్వభావులుగా మారిపోతారని ఈ అధ్యాయం చెబుతుంది.
ఆడవాళ్లు ఏడుపు మగవారిపై ఎలాంటి ప్రభావం చూపుతుంది అనే అంశంపై శాస్త్రవేత్తలు అధ్యయనం చేశారు.. వీజ్ మాన్ ఇన్స్టిట్యూట్ ఆఫ్ సైన్స్ శాస్త్రవేత్తలు చేసిన ఈ పరిశోధనలో ఆడవారి కన్నీటి లో ఉండే రసాయనాలు మగవారి మెదడుని తీవ్రంగా ప్రభావితం చూస్తాయని.. ఆ మగవాడిలోని దూకుడు స్వభావానికి చెక్ పెడ‌తాయ‌ని ఈ పరిశోధనలో తేలింది. దీనికి సంబంధించిన మరిన్ని వివరాలు ప్లాస్ బయాలజీ జనరల్ వేదిక పబ్లిష్ చేసింది.