సీనియర్ ఎన్టీఆర్ ఈ పేరుకు ప్రత్యేకమైన పరిచయం అవసరం లేదు. ఈయన ఏ పాత్రలో నటించిన ప్రశంసలు దక్కాయే తప్ప విమర్శలు ఎప్పుడు వ్యక్తం కాలేదు. దర్శకులకు పూర్తి స్వేచ్ఛ ఇచ్చే అతికొద్ది మంది హీరోలలో ఎన్టీఆర్ ఒకరు. వెండితెరకు సార్వభౌముడైన సీనియర్ ఎన్టీఆర్ ఎంతోమందికి మార్గదర్శకుడిగా నిలిచి సంచలన విజయాలను సొంతం చేసుకున్నారు. ఈయనకి కథ నచ్చితే కొన్ని సినిమాలలో డీ గ్లామర్ రోల్స్ లో నటించిన సందర్భాలు సైతం ఉన్నాయి.
ఇక ఆకలి విలువ తెలిసిన కుటుంబం నుంచి వచ్చిన ఈయన కరువు కోరల్లో అల్లాడిన ప్రజలను ఆదుకునే విషయంలో ముందుండేవారు. ఇక ఈయన ఖాతాలో చెక్కుచెదరని ఒక రికార్డు ఉంది. అదేంటంటే.. ఒకే ఏడాదిలో ఈయన నటించిన మూడు సినిమాలు కూడా ఇండస్ట్రీ హిట్లుగా నిలవడం ఆశ్చర్యం. ప్రస్తుతం ఉన్న హీరోలలో ఏడాదికి ఒక హిట్ సాధించడానికి చాలా కష్టపడుతున్నారు. ఇక 1977 సంవత్సరం సీనియర్ ఎన్టీఆర్ కెరీర్లో ప్రత్యేకమైన ఏడాది అని చెప్పాలి.
ఎందుకంటే ఆ ఏడాది రిలీజ్ అయిన దానవీర శూరకర్ణ, అడవి రాముడు, యమగోల సినిమాలు కలెక్షన్ల విషయంలో రికార్డులు క్రియేట్ చేశాయి. ఈ సినిమాలు బాక్స్ ఆఫీస్ వద్ద సృష్టించిన సంచలనం అంతా ఇంతా కాదు. ఇక సీనియర్ ఎన్టీఆర్ ను అభిమానించే అభిమానులు ఈ తరంలో కూడా ఉన్నారు. ఇక ఈయన నెలకొల్పిన రికార్డ్ ఈతరం హీరోలు ఎవ్వరు నెలకొలపలేరు అంటూ సోషల్ మీడియాలో కామెంట్లు వినిపిస్తున్నాయి. ఈ క్రమంలోనే ఈ వార్త సోషల్ మీడియాలో వైరల్ అవుతుంది.
