ఆధునిక కాలంలో చాలామంది విదేశాలకు వెళ్లడానికి ఆసక్తి చూపిస్తున్నారు. భారతదేశం నుంచి ఇతర దేశాలకు వెళ్లడానికి ప్రతి ఒక్కరు తప్పకుండా పాస్పోర్ట్ కలిగి ఉండాలి. ఆఖరికి పిల్లలను తీసుకువెళ్లాలన్నా తప్పకుండా మైనర్ పాస్పోర్ట్ తీసుకోవాల్సిందే. ఈ కథనంలో మేజర్ పాస్పోర్ట్ ఎలా తీసుకోవాలి? దానికి కావాల్సిన డాక్యుమెంట్స్ ఏవి అనే విషయాలు ఇప్పుడు మనం తెలుసుకుందాం. పిల్లల కోసం పాస్పోర్ట్ పొందాలనుకుంటున్నవారు ఆన్లైన్లో అప్లై చేసుకోవచ్చు. దరఖాస్తు చేసుకున్న 7 నుంచి 15 రోజుల లోపల ఇంటికి వస్తుంది.
మైనర్ పాస్పోర్ట్ కోసం అప్లై చేయడానికి కావాల్సిన డాక్యుమెంట్:
* జనన ధృవీకరణ పత్రం (బర్త్ సర్టిఫికెట్)
* ఆధార్ కార్డ్ లేదా తల్లిదండ్రుల అడ్రస్ ప్రూఫ్
* తల్లిదండ్రుల పాస్పోర్ట్స్ ( అందుబాటులో ఉంటే)
* తల్లిదండ్రుల జాతీయతకు సంబంధించిన ప్రూఫ్ ( పిల్లలు భారతదేశం వెలుపల జీవించినట్లు అయితే)
ఆన్లైన్లో అప్లై చేయడం ఎలా:
* మైనర్ పాస్పోర్ట్ సేవ అధికారిక వెబ్సైట్ ఓపెన్ చేసి… లాగిన్ ఐడి అండ్ పాస్వర్డ్ క్రియేట్ చేయాలి.
* అప్లికేషన్ ఫారమ్ పూర్తిగా ఫిల్ చేసి సబ్మిట్ చేయాలి.
* ఆ తర్వాత దానికయ్యే అమోంట్ చెల్లించాల్సి ఉంటుంది.
* అమౌంట్ చెల్లించిన తరువాత పాస్పోర్ట్ సేవా కేంద్రంలో అపాయింట్మెంట్ షెడ్యూల్ చెయ్యాలి.
* మీరు అపాయింట్మెంట్ సమయంలో అప్లికేషన్ ఫారమ్, ఫీజు చెల్లించిన రసీదు వంటి ఒరిజినల్ డాక్యుమెంట్స్ తీసుకువెళ్లాలి.
* అపాయింట్మెంట్ రోజు మీ బిడ్డను పాస్పోర్ట్ సేవా కేంద్రానికి తీసుకెళ్లాలి.
* పాస్పోర్ట్ అధికారి మీ అప్లికేషన్ అండ్ డాక్యుమెంట్లను పరిశీలించి అన్ని సక్రమంగా ఉన్నాయని నిర్ధారించుకుంటే. ఆ తర్వాత పాస్ పోర్ట్ ప్రాసెస్ జరుగుతుంది.
* అప్లికేషన్స్ సబ్మిట్ చేసిన తరువాత మీకు అప్లికేషన్ రిఫరెన్స్ నెంబర్ లభిస్తుంది. దీని ద్వారా పాస్పోర్ట్ స్టేటస్ చెక్ చేసుకోవచ్చు.
* అప్లికేషన్ సిద్ధమైన తరువాత మీరు వ్యక్తిగతంగా చేసుకోవచ్చు. లేదా మీ చిరునామాకు డెలివరీ చేసుకోవచ్చు.